ماقساتقا جەتۋ ءۇشىن جىگەر كەرەك
الەمنىڭ ەكىنشى ۇستازى ءابۋ ناسىر ءال-فارابي بابامىز «تالپىنىس ءتاجى – تاباندىلىق» دەپتى. بۇگىنگى زامانعا ءداپ ايتىلعان ءتامسىل دەپ تۇسىنەمىز. ويتكەنى، قاربالاس، بىرىنەن ەكىنشىسى باسىپ وزىپ بارا جاتقان زاماندا ادامعا ەڭ قاجەتتى قاسيەت وسى بولىپ تۇر.
جىگەرلىلىك جاسىڭدا كۇشتىرەك بايقالادى. جاستار - جىگەر-كۇشتىڭ يەسى. ولار ۇنەمى باستاماشىل، تاۋەكەلشىل كەلەدى. بۇرىنىراقتا ۇلكەندەر جاعى «جاس كەزدە ادام باتىر بولادى» دەيتىن. سونىڭ تەرەڭ ماعىنالىق استارى بار. دۇنيە جۇزىنە تانىمال Aliexpress كورپاراسياسىنىڭ يەسى دجەك ما 38 رەت تاۋەكەلدەن قۇلاپتى. ءبىراق ساعى سىنبادى. يدەيالارىن قايتا جانداندىردى. ناتيجەسىندە بارشاعا تانىمال اۋقاتتى ادام بولدى. قارجى سەكتورىندا ازيا توڭىرەگىندە ونىڭ الدىن وراپ تۇرعان ادام جوقتىڭ قاسى. مۇنىڭ ءبارى تاباندىلىق.
بىزدەر بىرنەشە مارتە باي ادامدار تۋرالى ايتتىق. سونىڭ ءبىرى - يلون ماسك. Tesla ايتساق، ونى بىلمەيتىندەر نەكەن-ساياق. جەردى بىلاي قويىپ، مارسقا تىرشىلىك ورناتپاقشى. وسىنىڭ ءبارى ىزدەنىمپازدىقتىڭ ارقاسى. ال ولاردىڭ جاس كەزىندە كۇنىنە بىرنەشە دوللار اقشاعا كۇن كورگەنىن بۇگىندەرى بىرەۋ بىلسە، بىرەۋ بىلمەيدى. ەڭبەك ەتتى، قاتتى تالپىندى. ماقساتتارىنا جەتتى.
ءتۇيىن. حالقىمىز ءار ۋاقىتتا «تالپىنعان جەتەر مۇراتقا» دەپ تەككە ايتپاعان. جاستار قايراتتى كۇشىن ناتيجەلى مۇراتقا جۇمسار بولسا، بيىكتى باعىندىرارى ءسوزسىز.