ەندى اۋعانستاننىڭ ءىرى قالالارىندا ايەلدەرگە بالا كوتەرتپەيتىن دارى-دارمەك ساتۋعا بولمايدى.
تالىپتەر اۋعانستاننىڭ ءىرى شاھارلارىندا ايەلدەرگە بالا كوتەرتپەيتىن دارى-دارمەكتى ساتۋعا تىيىم سالدى، دەپ حابارلايدى اlmaty-akshamy.kz «حابار 24» تەلەارناسىنا سىلتەمە جاساپ.
ولاردىڭ پايىمىنشا، بۇل – باتىس مەملەكەتتەرىنىڭ ەلدەگى حالىق سانىن ازايتۋعا باعىتتالعان قاستاندىق ارەكەتى. ساراپشىلار ءتيىستى شەكتەۋ ەلدىڭ دەنساۋلىق ساقتاۋ سالاسىنداعى احۋالدى ودان بەتەر ۋشىقتىرىپ جىبەرە مە دەپ الاڭدايدى.
ويتكەنى اۋعانستاندا 14 ايەلدىڭ بىرەۋى جۇكتىلىك كەزىندە كوز جۇمادى. 2021 جىلى بيلىك باسىنا كەلگەن تالىپتەر بۇعان دەيىن قىز-كەلىنشەكتەردىڭ ۋنيۆەرسيتەتتە وقۋىنا تىيىم سالعان ەدى. سونداي-اق ولار جانىندا ەر ادام بولماسا، ايەلدەردىڭ كوشەدە جالعىز جۇرۋىنە دە رۇقسات بەرمەي وتىر.