اۋعانستاندا تالىپتەر كابۋل قالاسىنداعى پرەزيدەنت سارايىن باسىپ الىپ، عيماراتتا ءوزىنىڭ تۋىن كوتەردى، دەپ حابارلايدى almaty-akshamy.kz «حابار 24» سىلتەمە جاساپ.
«ءال-دجازيرا» اقپارات اگەنتتىگىنىڭ حابارلاۋىنشا، ەندى تالىپتەر ايماقتا اۋعانستان يسلام ەميراتىن جاريالاماق. ال، ەل پرەزيدەنتى اشراف عاني ءوزىنىڭ الەۋمەتتىك جەلىدەگى پاراقشاسىندا بەيبىت حالىقتىڭ قانى توگىلمەۋى ءۇشىن وتستاۆكاعا كەتكەنىن ايتتى. قالدىرعان جازباسىندا «بۇدان بىلاي ەلدىڭ تۇتاستىعى مەن اۋعان حالقىنىڭ اماندىعىنا تالىپتەر جاۋاپتى» ەكەنىن مالىمدەدى.
ءقازىر اشراف عاني ءوزىنىڭ جۇبايىمەن جانە كەڭەسشىلەرىمەن بىرگە وزبەكستاننىڭ تاشكەنت قالاسىندا. بۇل تۋرالى «ءال-دجازيرا» اقپارات اگەنتتىگى حابارلايدى. ال، كابۋلداعى اقش پەن وزگە ەل ەلشىلىكتەرىنىڭ قىزمەتكەرلەرى، سونىمەن قاتار جەرگىلىكتى تۇرعىندار ەلدەن كەتۋ ءۇشىن اۋەجايعا كەلگەن. اقش ەلشىلىگىنىڭ وكىلدەرى حالىقارالىق اۋەجايدا اتىس بولىپ، ءورت شىققانىن حابارلايدى.
ەستەرىڭىزگە سالايىق، 2001 جىلى اقش كۇشتەرى اۋعانستانعا كىرگەن ساتتەن ەلدى 1996 جىلدان باستاپ بيلەپ كەلگەن «تاليبان» بيلىكتەن كەتكەن بولاتىن. ەندى پەنتاگون اسكەرىن ەلدەن شىعارا سالىسىمەن، تالىپتەر بيلىككە قايتا كەلدى.