بۇعان دەيىن الەۋمەتتىك جەلىدە ساپاسى سىر بەرىپ، ءىشى قيراي باستاعان سۋ جاڭا مەكتەپتىڭ سۋرەتتەرى تاراعان بولاتىن
پروكۋراتۋرا تالعارداعى 3 ملرد تەڭگەدەن استام سوماعا سالىنعان مەكتەپ قۇرىلىسىنىڭ ساپاسىن تەكسەرۋگە كىرىستى، دەپ حابارلايدى Almaty-akshamy.kz Tengrinews.kz-كە سىلتەمە جاساپ.
«الماتى وبلىسىنىڭ پروكۋراتۋراسى تالعار قالاسىندا 1 200 ورىندىق مەكتەپ قۇرىلىسىنىڭ ساپاسىن باقىلاۋعا الدى. قۇنى 3،1 ميلليارد تەڭگە بولاتىن مەكتەپتىڭ قۇرىلىسى 2021 جىلدىڭ سوڭىندا اياقتالعان. قازىرگى ۋاقىتتا شاتىردىڭ ساپاسى، ىشكى ارلەۋ جۇمىستارى جانە اۋماقتى اباتتاندىرۋ بويىنشا اقاۋلار انىقتالدى. ءتيىستى شارالار قابىلداۋ ءۇشىن تەكسەرۋگە ۋاكىلەتتى ورگانداردىڭ ماماندارى تارتىلدى»، - دەلىنگەن الماتى وبلىسى پروكۋراتۋراسىنىڭ حابارلاماسىندا.
پروكۋراتۋرا تەكسەرۋ قورىتىندىسى دايىن بولعاننان كەيىن قابىلدانعان شارالاردى جاريالايدى.
ەسكە سالايىق، تالعاردا 3 ملرد تەڭگەگە سالىنعان سۋ جاڭا مەكتەپتىڭ ساپاسى سىر بەرىپ، ءىشى قيراي باستاعان ەدى. الەۋمەتتىك جەلىدە تاراعان فوتولاردان عيماراتتىڭ قابىرعالارى جارىلىپ، توبەسىنىڭ ءتۇسىپ قالعانىن بايقاۋعا بولادى.