الماتى وبلىسىنىڭ تۇرعىندارىنا ەسكەرتۋ جاسالدى.
الماتى وبلىسىنىڭ تاۋلى اۋداندارىندا تەمپەراتۋرانىڭ جوعارىلاۋى، مۇزدىقتاردىڭ قارقىندى ەرۋى جانە مورەنالىق-مۇزدىق كولدەردىڭ تولۋى، وزەن ارنالارىندا اعىن كۇشەيىپ، سەل ءجۇرۋى مۇمكىن، دەپ حابارلايدى aqshamnews.kz
«تالعار وزەنىنىڭ باسسەينىندەگى №19 كول جانە ونىڭ سولتۇستىك جانە سولتۇستىك-شىعىس بولىگىندە جينالعان سۋ جاعالاۋدى جىرىپ اعۋى مۇمكىن. فوندىق باعالاۋ ادىستەمەسىنە سۇيەنە وتىرىپ، سەل اعىندارىن بولجاۋ بويىنشا مۇزدىق كولدىڭ سەرپىلىسى وسى جىلدىڭ 6 تامىزىنان باستالۋى ىقتيمال. وسىعان بايلانىستى تالعار اۋدانىنىڭ تۇرعىندارى، قوناقتارى جانە دەمالۋشىلار مەن تۋريستەرگە تالعار قالاسىنىڭ باسىندا ورنالاسقان گيدروتەحنيكالىق قوندىرعىدان اسىپ تاۋعا، دەمالىس ورىندارىنا شىعۋعا تىيىم سالىنعان»، – دەپ حابارلادى اكىمدىكتەن.
سونىمەن قاتار تالعار وزەنى ارناسىنا جاقىن ورنالاسقان تۇرعىن ءۇي يەلەرىنە جانە جەرگىلىكتى حالىققا ۇنەمى الەۋمەتتىك جەلىلەرگە، تەلەديدار جانە راديوبايلانىس جەلىلەرىنە نازار اۋدارۋ كەرەك ەكەنى ەسكەرتىلدى.