2019 جىلدان بەرى تۇركيا پرەزيدەنتى اكىمشىلىگىنىڭ ادام رەسۋرستارى باسقارماسىنىڭ ۇيلەستىرۋىمەن ۇيىمداستىرىلىپ كەلە جاتقان TalentforBIZ كارەرالىق ءىس-شارالارى الەمنىڭ 10 ەلىندە 15 رەت ءوتىپ، جۇمىس بەرۋشىلەر مەن جاس مامانداردى بىرىكتىرىپ كەلەدى.
بيىلعى جىلى بۇل شارا 2 قاراشادا الماتىدا InterContinental Almaty قوناقۇيىندە وتەدى. ءىس-شارا تاڭعى 09:00-دەن كەشكى 17:00-گە دەيىن جالعاسادى، دەپ حابارلايدى aqshamnews.kz
العاشقى رەت ۇيىمداستىرىلعان ساتتەن باستاپ، شارا مىڭداعان جاسقا جۇمىسقا ورنالاسۋعا مۇمكىندىك بەردى. ماقساتى – قازاقستان جاستارىن عالامدىق تۇرىك كومپانيالارىمەن تانىستىرىپ، ەكى ەل ستۋدەنتتەرى مەن تۇلەكتەرىنە جۇمىسقا ورنالاسۋ، تاعىلىمدامادان ءوتۋ جانە ءبىلىم الۋ مۇمكىندىكتەرىن كەڭەيتۋ.
الماتىداعى TalentforBIZ اياسىندا ءارتۇرلى سالالاردا قىزمەت ەتەتىن جەتەكشى تۇرىك كومپانيالارى، سونىڭ ىشىندە Turkish Airlines، تۇرىك اەروعارىش ونەركاسىبى، Aselsan، Havelsan، Halk Bankası، Türk Telekom، سونداي-اق قازاقستاندا قىزمەت كورسەتىپ جۇرگەن Abdi İbrahim، Esan Eczacıbaşı، Ziraat Bankası جانە Pro Yapı كومپانيالارى قاتىسادى. شارا بارىسىندا جاس تالانتتار كومپانيالاردىڭ كادرلىق قىزمەت باسشىلارىمەن تىكەلەي سويلەسۋ مۇمكىندىگىنە يە بولادى. كۇنى بويى كومپانيا باسشىلارى مەن ادام رەسۋرستارى ماماندارى پرەزەنتاسيالار، پىكىر الماسۋلار، اقپاراتتىق سەسسيالار مەن سۇحباتتار وتكىزەدى.
ادام رەسۋرستارى سالاسىنداعى ىنتىماقتاستىق نىعايادى
تۇركيانىڭ ادام رەسۋرستارى سالاسىنداعى تاجىريبەسى مەن جەتىستىكتەرى قازاقستانعا بەرىلىپ، ەكى ەل اراسىنداعى ءوزارا ءىس-قيمىل كۇشەيە تۇسۋدە. بۇل ۇدەرىس جاستارعا جۇمىسقا ورنالاسۋ مۇمكىندىكتەرىن ۇسىنا وتىرىپ، قازاقستانداعى جۇمىس بەرۋشىلەرگە بىلىكتى كادرلارمەن قامتاماسىز ەتۋدى جەڭىلدەتەدى. سونىمەن قاتار، ەكى ەل اراسىنداعى ءبىلىم مەن تاجىريبە الماسۋ جاس مامانداردىڭ مانساپتىق دامۋىنا ەلەۋلى ۇلەس قوسادى. ادام رەسۋرستارى سالاسىنداعى حالىقارالىق ىنتىماقتاستىقتى نىعايتۋ ماقساتىندا بۇل ءىس-شارا قازاقستاننان كەيىن دە وزگە حالىقارالىق ورتالىقتاردا جالعاسىن تابادى.
بارلىق ۇدەرىستەر YETENEK KAPISI سيفرلىق كارەرالىق پلاتفورماسى ارقىلى جۇزەگە اسادى
TalentforBIZ ءىس-شارالارىنا تىركەلۋ تۇركيانىڭ Yetenek Kapısı سيفرلىق كارەرالىق پلاتفورماسى ارقىلى جۇزەگە اسىرىلادى. جاستار ءىس-شاراعا تىركەلىپ قانا قويماي، جۇمىسقا قابىلداۋ جانە تاعىلىمداماعا ءوتۋ ءۇشىن سۇحباتتارعا ءوتىنىم بەرە الادى. قاتىسۋشىلار وزدەرىنىڭ داعدىلارىن جۇمىس بەرۋشىلەرگە بارىنشا جاقسى كورسەتۋ ءۇشىن Yetenek Kapısı پلاتفورماسىنداعى پروفيلدەرىن تولىقتىرىپ، ۇنەمى جاڭارتىپ وتىرۋلارى ۇسىنىلادى.
ءىس-شارا تۋرالى تولىق اقپاراتتى talentforbiz.org رەسمي سايتىنان جانە @talentforbiz الەۋمەتتىك جەلىلەرىنەن تابۋعا بولادى.