جەتىسۋ وبلىسىندا پروكۋراتۋرا ينتەرنەت-الاياقتاردىڭ قۇربانى بولعان ازاماتقا ۇرلانعان قاراجاتىن قايتارىپ بەردى، دەپ حابارلايدى اqshamnews.kz ءتىلشىسى.
تالدىقورعان قالاسىنىڭ پروكۋراتۋراسى سوتقا دەيىنگى تەرگەپ-تەكسەرۋ اياسىندا قارجىلىق اكتيۆتەردى قورعاۋعا ارنالعان سيفرلىق قۇرالداردى پايدالانىپ، جابىرلەنۋشىنىڭ اقشاسىن تولىق كولەمدە ءوندىرىپ العان. قايتارىلعان سوما - 850 مىڭ تەڭگە.
پروكۋراتۋرا مالىمەتىنشە، ق ر قىلمىستىق كودەكسىنىڭ 190-بابى 3-بولىگى بويىنشا جۇرگىزىلىپ جاتقان ءىس بارىسىندا پروكۋرورلار ق ر ۇلتتىق بانكىنىڭ "انتيفرود-ورتالىعى" پلاتفورماسىندا ينسيدەنت قۇرۋدى باستاماشىلىق ەتكەن. سونىڭ ناتيجەسىندە ۇرلانعان قاراجات تۇسكەن بانكتىك شوتتار جەدەل انىقتالىپ، بۇعاتتالعان.
"تولەمدەر جانە تولەم جۇيەلەرى تۋرالى" زاڭ تالاپتارىنا سايكەس قابىلدانعان شارالار ارقىلى كۇدىكتىلەردىڭ شوتتارىنداعى 850 000 تەڭگە الىنىپ، زاڭدى يەسىنە قايتارىلدى.
پروكۋراتۋرا كيبەرقىلمىسپەن كۇرەستە ۋاقىتتىڭ اسا ماڭىزدى ەكەنىن اتاپ ءوتتى: قۇقىق قورعاۋ ورگاندارىنا دەر كەزىندە جۇگىنۋ جانە ترانزاكسيالار جونىندەگى دەرەكتەردى ۇسىنۋ قاراجاتتى بۇعاتتاپ، قايتارۋ مۇمكىندىگىن ەداۋىر ارتتىرادى.
ۆەدومستۆو ينتەرنەت-الاياقتىققا قارسى ءىس-قيمىل مەن ازاماتتاردىڭ قۇقىقتارىن قورعاۋ پروكۋراتۋرا ورگاندارىنىڭ قاداعالاۋىنداعى باسىم باعىت بولىپ قالا بەرەتىنىن قوستى.