تالدىقورعاندا وبلىستىق بالالار اۋرۋحاناسىنىڭ ەسەپشىسى قاماۋعا الىندى

الدىن الا بولجام بويىنشا 116 ملن تەڭگە قاراجاتتى تالان-تاراجعا سالعان

تالدىقورعاندا وبلىستىق كوپسالالى بالالار اۋرۋحاناسىنىڭ ەسەپشىسى قاماۋعا الىندى، دەپ حابارلايدى Almaty-akshamy.kz inbusiness.kz-كە سىلتەمە جاساپ.

"وبلىستىق كوپسالالى بالالار اۋرۋحاناسىنىڭ ەسەپشىسىنە قاتىستى سوتقا دەيىنگى تەرگەپ-تەكسەرۋ باستالدى. بۇل جەردە ەسەپشى قۇجاتتارعا جالعان اقپاراتتار ەنگىزىپ، ناتيجەسىندە مەملەكەتتىك بيۋدجەت قاراجاتىن ءوزىنىڭ قالتاسىنا باسقان. ول الدىن الا بولجام بويىنشا 116 ملن تەڭگە قاراجاتتى تالان-تاراجعا سالعان. قازىرگى تاڭدا اتالعان قىزمەتكەر ۋاقىتشا ۇستاۋ يزولياتورىنا قامالدى"، - دەدى  جەتىسۋ وبلىستىق ەكونوميكالىق تەرگەۋ دەپارتامەنتىنىڭ اسا ماڭىزدى ىستەر بويىنشا تەرگەۋشىسى ەربول قۇرمانبايەۆ.  

ال اتالعان اۋرۋحانانىڭ ماماندارى زەينەتاقى جانە مەديسينالىق ساقتاندىرۋ قورىنا اۋدارىلاتىن جارنانىڭ تۇسپەگەنىن كەزدەيسوق ءبىلىپ قالعان.

"مىنە، بەس اي بولدى، نە زەينەتاقى قورىنا، نە مەدساقتاندىرۋ قورىنا اقشا تۇسپەگەن. ءبارىمىز اي سايىن ۋاقتىلى ايلىعىمىزدى الىپ وتىردىق. ءبىراق بىزگە تيەسىلى جارنانى اۋدارماعان. ءوزىم بانككە نەسيە راسىمدەۋگە بارعاندا عانا جارنانىڭ تۇسپەگەنىن ءبىلدىم. ەسەپشىگە كەلىپ، ايتىپ ءتۇسىندىردىم. جارنا تۇسەدى دەدى، ءبىراق ءۇش ايدان استى، ءبىر تيىن دا تۇسكەن جوق"، - دەيدى وبلىستىق كوپسالالى بالالار اۋرۋحاناسىنىڭ مەدبيكەسى جانەركە قىزايحان.