تالدىقورعاندا بەلگىلى جۋرناليست، ازاماتتىق بەلسەندى ساندۋعاش دۇيسەنوۆا ۇستالدى
جەتىسۋ وبلىستىق پوليسيا دەپارتامەنتىنىڭ مالىمەتىنشە، 11 تامىزدا تالدىقورعاندا جۋرناليست ساندۋعاش دۇيسەنوۆا ق ر قىلمىستىق كودەكستىڭ 147-بابى 5-بولىگى بويىنشا ۇستالدى.
«بۇل باپتا جەكە ءومىر تۋرالى اقپاراتتى، سونىڭ ىشىندە جەكە نەمەسە وتباسىلىق قۇپيانى كوپشىلىك الدىندا سويلەۋدە، جۇمىستا، بۇقارالىق اقپارات قۇرالدارىندا، تەلەكوممۋنيكاسيا جەلىلەرى ارقىلى تاراتقانى ءۇشىن جاۋاپكەرشىلىك قاراستىرادى»، - دەپ حابارلادى ۆەدومستۆودان.
جۋرناليست قالالىق پوليسيا باسقارماسىنا جەتكىزىلدى. ول مويىنداۋ تۋرالى كۋالىك بەرىپ، پروسەسۋالدىق ءىس-شارالار وتكىزىلگەننەن كەيىن ەشقايدا كەتپەۋ جانە ءتيىستى مىنەز-قۇلىق تۋرالى قولحاتپەن شىقتى.
«قازىرگى تاڭدا تەرگەۋ وبلىستىق پوليسيا دەپارتامەنتىنىڭ باقىلاۋىندا. وزگە اقپارات تەرگەۋ مۇددەسى ءۇشىن جاريا ەتىلمەيدى»،- دەپ اتاپ ءوتتى جەتىسۋ وبلىستىق پوليسيا دەپارتامەنتىنەن.