تاجىكستان دۇنيەجۇزىلىك ساۋدا ۇيىمىنا مۇشە ەلدەردەن، ونىڭ ىشىندە قازاقستاننان ەسكى اۆتوكولىكتەردى اكەلۋگە تىيىم سالىپ جاتىر.
قازستاندارت باسپا ءسوز قىزمەتىنىڭ مالىمەتىنە قاراعاندا، اتالعان شەكتەۋ 2013 جىلعا دەيىن شىعارىلعان كولىكتەرگە قاتىستى قولدانىلادى، دەپ حابارلايدى Almaty-akshamy.kz.
«تاجىكستان جىل سايىن اۋانىڭ لاستانۋىنا جانە ادام دەنساۋلىعى مەن قورشاعان ورتاعا زيان كەلتىرەتىن ەسكى كولىكتەردى اكەلۋگە، سونداي-اق ەسكى كولىكتەردەن بولاتىن قالدىقتاردىڭ (اككۋمۋلياتورلار، شينالار، كونديسيونەرلەر) ايتارلىقتاي وسۋىنە جول بەرمەۋگە باعىتتالعان جارلىق ازىرلەدى»، - دەلىنگەن قازستاندارت حابارلاماسىندا.
اتالعان جارلىق 2024 جىلدىڭ 1 قاڭتارىندا كۇشىنە ەنەدى.
ايتا كەتەيىك، 2005 جىلدان باستاپ كازستاندارت بازاسىندا ساۋداداعى تەحنيكالىق كەدەرگىلەر جانە سانيتاريالىق ءارى فيتوسانيتاريالىق ءىس-شارالار جونىندەگى اقپاراتتىق ورتالىق جۇمىس ىستەپ تۇر.
ورتالىقتىڭ فۋنكسيالارىنا دسۇ حاتشىلىعىنا، دسۇ-عا مۇشە مەملەكەتتەرگە ءتيىستى اقپارات بەرۋ كىرەدى.