ەمومالي راحموننىڭ قۇتتىقتاۋ جەدەلحاتى كەلىپ ءتۇستى.
قاسىم-جومارت توقايەۆتىڭ اتىنا قازاقستان مەن تاجىكستان اراسىندا ديپلوماتيالىق قاتىناستاردىڭ ورناعانىنا 30 جىل تولۋىنا وراي ەمومالي راحموننىڭ قۇتتىقتاۋ جەدەلحاتى كەلىپ ءتۇستى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
مەملەكەت باسشىسى قاسىم-جومارت توقايەۆتىڭ اتىنا قازاقستان مەن تاجىكستان اراسىندا ديپلوماتيالىق قاتىناستاردىڭ ورناعانىنا 30 جىل تولۋىنا وراي تاجىكستان پرەزيدەنتى ەمومالي راحموننىڭ قۇتتىقتاۋ جەدەلحاتى كەلىپ ءتۇستى.
«تاجىك تاراپى ەكى ەلدىڭ دوستىق قاتىناستارىن نىعايتۋ ءۇشىن وسى ۋاقىت ارالىعىندا قول جەتكىزگەن ناتيجەلەرىن جوعارى باعالايدى. بۇل رەتتە مەملەكەتارالىق قاتىناستاردى رەتتەۋدىڭ سەنىمدى شارتتىق-قۇقىقتىق بازاسى مەن ناقتى مەحانيزمدەرى قالىپتاستى. وسى بەرىك نەگىزگە جانە ءوزارا سەنىم مەن قۇرمەتتىڭ، ستراتەگيالىق سەرىكتەستىكتىڭ مىزعىماس قاعيداتتارىنا نەگىزدەلگەن ىنتىماقتاستىعىمىز بۇگىندە بارلىق باعىت بويىنشا قارقىندى دامىپ كەلە جاتقانى قۋانتادى. ءبىز حالىقتارىمىزدىڭ تۇبەگەيلى مۇددەلەرىنە ساي كەلەتىن ءوزارا ءتيىمدى ىنتىماقتاستىقتى بىرلەسە وتىرىپ، بۇدان دا جوعارى دەڭگەيگە كوتەرۋگە ۇمتىلاتىنىمىزعا سەنىمدىمىن»، – دەپ جازىلعان جەدەلحاتتا.
ەمومالي راحمون قاسىم-جومارت توقايەۆقا اسا جاۋاپتى مەملەكەتتىك قىزمەتتە زور تابىس، ال دوستاس قازاقستان حالقىنا بەيبىتشىلىك جانە باق-بەرەكە تىلەدى.