جول اپاتى كەشە تۇندە مەدەۋ اۋدانىندا بولدى. اپات سالدارىنان “Toyota” كولىگىندەگى ەكى جولاۋشى قازا تاپتى، دەپ حابارلايدى الماتىداعى اlmaty-akshamy.kz.
اتالعان جاعدايعا بايلانىستى الماتى وبلىسىنىڭ پوليسيا دەپارتامەنتىنىڭ باسپا ءسوز قىزمەتى تۇسىنىك بەردى.
جەرگىلىكتى پوليسيا قىزمەتىنىڭ كەزەكشى ءبولىمىنىڭ حابارلاۋىنشا، بۇل جول-كولىك وقيعاسى كەشە تۇندە مەدەۋ اۋدانىندا بولدى. «تويوتا» ماركالى اۆتوكولىكتىڭ جۇرگىزۋشىسى تالعار تاس جولىمەن باتىس باعىتتا كەلە جاتىپ، قاراما-قارسى باعىتقا شىعىپ كەتىپ، جەكە تاسىمالداۋشىعا تيەسىلى اۆتوبۋسپەن سوقتىعىسقان.جول اپاتى سالدارىنان «تويوتا» كولىگىندەگى ەكى جولاۋشى قازا تاپتى. ەكى ادام قازا تاپقان جول اپاتى بويىنشا قىلمىستىق ءىس قوزعالدى. ساراپتاما تاعايىندالدى،- دەدى الماتى قالاسىنىڭ پوليسيا دەپارتامەنتىنىڭ رەسمي وكىلى سالتانات ازىربەك.