ايەلدەرگە قول كوتەرۋ تىيىلماي تۇر.
الماتىداعى تۇرعىن ءۇيدىڭ اۋلاسىندا ەر ادام ءوزىنىڭ بۇرىنعى ايەلىن اياۋسىز سوققىعا جىققان، دەپ حابارلايدى Almaty-akshamy.kz.
الەۋمەتتىك جەلىدە الماتىداعى تۇرعىن ءۇي كەشەنىنىڭ اۋلاسىندا ەر ادام ايەلدىڭ تەلەفونىن جەرگە لاقتىرىپ، سىندىرىپ، كەيىن ايەلدى اياۋسىز ۇرىپ-سوققان ۆيدەوسى تارادى.
جازبا اۆتورى جاننا احمەتوۆا ءوزىنىڭ الەۋمەتتىك جەلىدەگى پاراقشاسىندا ايەلدىڭ ەسىمى سالتانات ەكەنىن جازعان. ايەل 11 جىل وتباسىلىق ومىردەن كەيىن اجىراسۋعا شەشىم قابىلدادى. بالالارىن الىپ، تارازدان الماتىعا كوشتى. اۆتوردىڭ ايتۋىنشا، ءقازىر ونىڭ بۇرىنعى كۇيەۋى كەلىپ اڭدىپ، قايتا ورالۋعا ماجبۇرلەپ ءجۇر.
«پوليسيا بۇل فاكتى بويىنشا تەرگەۋ جۇرگىزىپ جاتىر. جينالعان ماتەريالدار قىلمىستىق ءجابىر كورسەتۋشىنى جاۋاپكەرشىلىككە تارتۋ ءۇشىن سوتقا جىبەرىلدى»، دەپ حابارلادى الماتى پوليسياسى.
ەسكە سالا كەتەيىك، بۇعان دەيىن الماتىدا بەلگىسىز ەر ادام ورىندىقتا وتىرعان ايەلگە شابۋىل جاساعان ەدى.