قازاقستاندىقتار eGov.kz پورتالىندا 073/ۋ فورماسىنداعى مەديسينالىق انىقتامانى الۋعا مۇمكىندىك الدى. بۇل انىقتاما ادامنىڭ كولىك قۇرالىن باسقارۋعا دەنساۋلىعىنىڭ جارامدىلىعىن راستايتىن قۇجات بولىپ تابىلادى، دەپ حابارلايدى aqshamnews.kz
073/ۋ فورماسىنداعى مەديسينالىق انىقتاما — كولىك جۇرگىزۋشىلەرىنە قاجەتتى مىندەتتى قۇجات، ول كولىك قۇرالىن باسقارۋعا ەشقانداي قارسى كورسەتىلىمدەردىڭ جوقتىعىن راستايدى. بۇرىن بۇل انىقتامانى ازاماتتار قاعاز تۇرىندە الاتىن ەدى، ول ءۇشىن ءتورت ماماننان — تەراپيەۆت، پسيحياتر-ناركولوگ، وفتالمولوگ جانە وتولارينگولوگتان مەديسينالىق تەكسەرۋدەن ءوتۋ قاجەت بولاتىن. قازىرگى ۋاقىتتا بۇل قىزمەتتى الۋ وڭايلاپ، ازاماتتار ونى ەلەكتروندى فورماتتا الادى، ال سيفرلىق قۇجات اۆتوماتتى تۇردە ءبىرىڭعاي دەرەكقوردا ساقتالادى.
قىزمەتتى ونلاين الۋ ءۇشىن:
- eGov.kz پورتالىنا اۆتوريزاسيادان ءوتىپ، «دەنساۋلىق ساقتاۋ — مەديسينالىق كومەك» ءبولىمىن تاڭداڭىز؛
- «مەديسينالىق انىقتامانى 073/ۋ فورماسى بويىنشا بەرۋ» قىزمەتىن تاڭداڭىز؛
- سۇرانىستى قولجەتىمدى ادىستەردىڭ بىرىمەن قولتاڭداڭىز.
بۇل جاڭاشىلدىق مەديسينالىق تەكسەرۋدەن ءوتۋدى جەڭىلدەتىپ، قاجەتتى انىقتامانى ەلەكتروندى تۇردە الۋعا مۇمكىندىك بەرەدى.