جەزقازعاندا ULYTAU CREATIVE HUB كرەاتيۆتى حابىنىڭ سالتاناتتى اشىلۋى ءوتتى.
جوبا مەملەكەت باسشىسىنىڭ تاپسىرماسىنا سايكەس جۇزەگە اسىرىلىپ، جەرگىلىكتى كرەاتيۆتى ەكونوميكا وكىلدەرىن قولداۋعا باعىتتالعان، دەپ حابارلايدى aqshamnews.kz مادەنيەت جانە اقپارات مينيسترلىگىنە سىلتەمە جاساپ.
مۇندا ولارعا بارلىق قاجەتتى سيفرلىق جانە شىعارماشىلىق جاعداي جاسالعان. اۋدانى 400 شارشى مەتر بولاتىن عيمارات تاقىرىپتىق زەرتحانالارعا بولىنگەن. اتاپ ايتقاندا، 3D مودەلدەۋ، زەرگەرلىك ونەر، ۇلتتىق كيىم، كەسكىندەمە زالى، دومبىرا مەن قوبىز جاساۋ شەبەرحانالارى سەكىلدى 13 ايماقتان تۇرادى.
قازىرگى ۋاقىتتا حابتا 30 شەبەر جۇمىس ىستەيدى. بۇل الاڭنىڭ مۇمكىندىكتەرىن كەز كەلگەن ادام پايدالانا الادى.
ۇلىتاۋ وبلىسىنىڭ كرەاتيۆتى ورتالىعى ءبىرىڭعاي ينفراقۇرىلىمى، قولداۋ جانە كومەك قۇرالدارى بار رەسپۋبليكالىق ەكوجۇيەنىڭ ءبىر بولىگىنە اينالادى.