قاراعاندىدا شاحتاداعى اپاتتان قازا تاپقاندار سانى كوبەيدى.
24 كەنشىنى ىزدەۋ جۇمىستارى جالعاسىپ جاتىر، دەپ حابارلايدى Almaty-akshamy.kz
«قاراعاندى وبلىسىندا كوستەنكو اتىنداعى شاحتادا بولعان اپاتتان كەيىن قۇتقارۋشىلار 22 كەنشىنىڭ ءمايىتىن تاپتى»، دەپ حابارلايدى وبلىستىڭ توتەنشە جاعدايلار دەپارتامەنتى.
قاراعاندى وبلىسى توتەنشە جاعدايلار دەپارتامەنتىنىڭ باسشىسى مۇرات قاتپانوۆتىڭ ايتۋىنشا، اپات استانا ۋاقىتىمەن ساعات 02.33-تە شامامەن 700 مەتر تەرەڭدىكتە بولعان.
"قازىرگى ۋاقىتتا 22 ادامنىڭ ءمايىتى تابىلدى، 24 كەنشىنى ىزدەۋ جالعاسىپ جاتىر"، - دەپ جازىلعان حابارلامادا.
كوستەنكو اتىنداعى شاحتاداعى قۇتقارۋ جۇمىستارى ەكى كەن ءوندىرۋ ورنىندا جۇرگىزىلىپ جاتىر.
قۇتقارۋشىلاردىڭ ايتۋىنشا، كوزگە كورىنەتىن ءورت وشاقتارى جوق.
«گاز جاعدايى باقىلاۋدا، سىنامالار الىنىپ، مايىتتەردى جەر بەتىنە الىپ شىعۋ جۇمىستارى جۇرگىزىلىپ جاتىر. جەكەلەگەن ورىنداردا كومىرتەگى توتىعىنىڭ كونسەنتراسياسى رۇقسات ەتىلگەن نورمادان اسىپ كەتكەن»، دەپ حابارلادى ۆەدومستۆو وكىلدەرى.