راحات الييەۆتىڭ تۋىسقانىنا تيەسىلى قۇس فابريكاسى مەملەكەت مەنشىگىنە قايتارىلدى. مۇنداي شەشىمدى الماتى وبلىسى، تالعار اۋدانىنىڭ سوتى جەرگىلىكتى پروكۋراتۋرا تالاپ-ارىزى بويىنشا شىعاردى، دەپ حابارلايدى Almaty-akshamy.kz Tengrinews.kz-كە سىلتەمە جاساپ.
اڭگىمە ليۆان تۋماسى يسسام سالاح حوراني تۋرالى بولىپ وتىر، 1998-2008 جىلدار ارالىعىندا وندا قازاقستان ءتولقۇجاتى بولعان، ءقازىر پالەستينا ازاماتى. ول - American Investments inc. امەريكاندىق كورپوراسياسىنىڭ پرەزيدەنتى، سونىمەن قاتار راحات الييەۆتىڭ قارىنداسى گۇلشات ءحورانيدىڭ كۇيەۋى. 2008 جىلدان بەرى حوراني شۆەيساريا مەن ليۆاندا، سونداي-اق بوپسالاۋ بويىنشا قازاقستاندا جاساعان قىلمىستارى ءۇشىن ينتەرپول ارقىلى ىزدەۋدە بولعان.
1999 جىلى اكسيالاردىڭ مەملەكەتتىك پاكەتى (90 پايىز) امەريكاندىق American Investments Inc. كورپوراسياسىنا سىيعا تارتىلعان.
«1999 جىلعى ناۋرىزدا تالعار اۋدانىنىڭ اكىمدىگى «اق-قانات» اق-نىڭ پايدالانۋىنداعى جەردى امەريكاندىق كورپوراسيا پايداسىنا - جالپى اۋدانى 665،4 گەكتار 4 جەر ۋچاسكەسىن - بەس جىلعا شىعارۋ تۋرالى شەشىم شىعاردى. سول جىلدىڭ قازانىندا الىنعان 665،4 گەكتار جەردىڭ 56 گەكتارى "التىن-ايدار" جشس-نە بەرىلدى»، - دەلىنگەن قۇجاتتا.
ال 2001 جىلى تالعار اۋدانىنىڭ اكىمدىگى American Investments Inc. كومپانياسىنان «التىن-ايدار» ج ش س پايداسىنا 609 گەكتار جەردى پايدالانۋدان شىعارعان. بۇل جەرلەر 6 جەر تەلىمىنە ءبولىنىپ، 2002 جىلى تالعار اۋدانى اكىمدىگى مەن «التىن-ايدار» ج ش س اراسىندا 49 جىلعا ءتيىستى جالعا بەرۋ شارتتارى جاسالعان.
«مۇراعات مالىمەتتەرىنە سايكەس، الماتى اۋماقتىق مەملەكەتتىك مۇلىك جانە جەكەشەلەندىرۋ كوميتەتى مەن American Investments inc. امەريكالىق كورپوراسياسى اراسىندا قۇس فابريكاسىن وتەۋسىز بەرۋ تۋرالى شارت جاسالمادى، ءوندىرىستى دامىتۋعا جانە كرەديتورلىق بەرەشەكتى وتەۋگە ينۆەستيسيالار ەنگىزۋدىڭ بيزنەس-جوسپارى ازىرلەنبەدى جانە ۋاكىلەتتى ورگانعا بەرىلمەدى. قۇس فابريكاسى 29 جىل بويى جۇمىس ىستەمەيدى، ونىڭ رەسۋرستارى وتە قيىن جاعدايدا، اۋىلشارۋاشىلىق تەحنيكاسى مەن كولىك قۇرالدارى ەسكىرگەن، قۇرىلىستارعا اعىمداعى جانە كۇردەلى جوندەۋ جۇرگىزىلمەگەن، ينۆەستيسيالار سالىنباعان، سالىق بەرەشەگى بار.
قۇس فابريكاسىنىڭ مۇلكىن يەلىكتەن شىعارۋ دەرەگى ۋاقتىلى انىقتالعان كەزدە الماتى مەملەكەتتىك مۇلىك جانە جەكەشەلەندىرۋ اۋماقتىق كوميتەتى مەملەكەتتىك مۇلىكتى مەملەكەتكە قايتارۋ جونىندە شارالار قابىلداۋعا مىندەتتى بولدى، الايدا بۇل ورىندالمادى، وسىعان بايلانىستى پروكۋرور مەملەكەت مۇددەسى ءۇشىن تالاپ قويدى»، - دەدى پروكۋرورلار سوتتا.
سوت ءىس ماتەريالدارىن زەردەلەپ، اۋدان پروكۋراتۋراسىنىڭ تالاپ ارىزىن قاناعاتتاندىردى. ءسويتىپ، قۇس فابريكاسى مەن ونىڭ جەرلەرى مەملەكەت مەنشىگىنە قايتارىلدى.