تاشكەنت قالاسىندا ەرلەر اراسىندا ءوتىپ جاتقان بوكستان الەم چەمپيوناتىندا دۋلات بەكباۋوۆ فينالعا شىقتى.
قازاقستاندىق سپورتشى 67 كەلىگە دەيىنگى سالماقتا گرۋزيالىق لاشا گۋرۋليمەن شەبەرلىك بايقاستى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ءبىرىنشى كەزەڭدە تورەشىلەردىڭ ءبارى دۋلات باسىم دەپ تاپتى. ەكىنشى راۋندتا دا سولاي بولدى.
قورىتىندى ەسەپ - 5:0، جەكپە-جەك دۋلاتتىڭ پايداسىنا شەشىلدى.
بۇگىن كەشكى سەسسيادا قازاقستاننان ۇلتتىق قۇراما كاپيتانى اسلانبەك شىمبەرگەنوۆ پەن نۇربەك ورالباي رينگكە شىعادى.
ەسكە سالا كەتەيىك، بۇگىن قازاقستاندىق بەس بوكسشىنىڭ الەم چەمپيوناتىنىڭ فينالىنا شىعۋ ءۇشىن تالاساتىنىن جازعان بولاتىنبىز.