ءبىرقاتار زەرتتەۋدەن كەيىن يتاليالىق عالىمدار توبى ادامزات كۇندەلىكتى تۇتىناتىن كادىمگى تاعام تۇرلەرىنىڭ قۇرامىندا 10 899 باكتەريا مەن ساڭىراۋقۇلاق بار ەكەنىن انىقتادى، دەپ حابارلايدى aqshamnews.kz.
ونىڭ ۇستىنە، بۇل باكتەريالاردىڭ جارتىسى عىلىمعا بەلگىسىز تۇرلەرگە جاتادى. بۇل باعىتتاعى زەرتتەۋ بارىسىندا 50 ەلدىڭ 2500 ازىق-تۇلىك ءونىمىنىڭ ميكروبتىق قۇرامى تالداندى. بۇل جايىندا islam.kz پورتالى Cell مەرزىمدى باسىلىمىنا سىلتەمە جاساي وتىرىپ ءمالىم ەتەدى.
بۇل تاراپتا اشىتىلعان تاعامدار، جاڭا پىسكەن ەت، بالىق، جەمىستەر مەن كوكونىستەر زەرتتەلگەن ەكەن. زەرتتەۋ توبى ادامنىڭ كۇندەلىكتى تاعامىندا ەۋكاريوتتىق جانە پروكاريوتتىق دومەندەرگە جاتاتىن 10 899 باكتەريا مەن ساڭىراۋقۇلاق بار ەكەنىن انىقتادى. باكتەريالار مەن ساڭىراۋقۇلاقتار سانى، اسىرەسە، پالما مايى مەن ىرىمشىك قاتقان تۇزدى ەرىتىندىدە كوپ بولىپ شىقتى. تولىعىراق تالداۋ مەن كەڭيتىلگەن زەرتتەۋ ناتيجەسى تاعام ميكروبتارى ەرەسەكتەردىڭ ىشەك ميكروبيوماسىنىڭ ورتا ەسەپپەن 3%-ن قۇرايتىنىن كورسەتىپ بەردى.