ءابىلحان قاستەيەۆ اتىنداعى ق ر مەملەكەتتىك ونەر مۋزەيىندە قازاقستاندىق ۇيعىر سۋرەتشىسى رۋسلان يۋسۋپوۆتىڭ (1950-2021) «شارىن اڭىزدارى» اتتى جەكە كورمەسى اشىلدى.
كورمەگە 30-دان استام كەسكىندەمە تۋىندىلارى ۇسىنىلدى.
رۋسلان يۋسۋپوۆتىڭ شىعارمالارى ءومىر قۇبىلىستارىن پوەتيكالىق جانە فيلوسوفيالىق تۇرعىدا بەينەلەۋمەن ەرەكشەلەنەدى. ونەرتانۋشى ر.ەرعالييەۆانىڭ ايتۋىنشا، ونىڭ بارلىق كارتيناسىندا «ميستيسيزم رۋحى، بولمىستىڭ قۇپيالارىن اشۋعا دەگەن ۇمتىلىس بار».
«كورەرمەنگە ۇسىنىلعان پەيزاجدىق كارتينالار توپتاماسى 2005-2013 جىلدار ارالىعىندا جازىلعان جانە ەلىمىزدە ورنالاسقان شارىن شاتقالىنىڭ بىرەگەي تابيعي لاندشافتىنا ارنالعان. تابيعاتتىڭ تاڭعاجايىپ ءپىشىنى مەن تاس رەلەفتەرىندە سۋرەتشى ءبىزدىڭ جەرىمىزدىڭ وتكەنىنىڭ كەرەمەت جاڭعىرىقتارىن اجىراتادى، شاتقالدىڭ ۇستىندە ماڭگىلىكتىڭ رۋحىن جەتكىزۋگە تىرىسادى. كارتينالاردىڭ ءارقايسىسى كەڭ ءاسسوسياتيۆتى جانە مەتافورالىق ماعىناعا يە»، – دەيدى كورمەنىڭ كۋراتورى، اتالمىش مۋزەيدىڭ جەتەكشى عىلىمي قىزمەتكەرى، ونەرتانۋ كانديداتى امير جادايبايەۆ.