كۇن رايىنىڭ جىلۋىنان قاڭتاردا مۇز ەرىپ، وزەن دەڭگەيى ەداۋىر كوتەرىلدى.
بۇگىندە وبلىس اۋماعىنا جوعارىدان سەكۋندىنا 429 تەكشە مەتر سۋ قۇيىلىپ جاتىر، دەپ حابارلايدى Almaty-akshamy.kz.
قازىرگى تاڭدا سەڭ قىزىلوردا قالاسىنان 83 شاقىرىم جەردەگى جەتىكول جارما اۋماعىنا جەتتى. مۇزداقتاردىڭ قالىڭدىعى 10-15 سانتيمەتردەن اسپايدى. سوندىقتان ماماندار سىرداريادان اسا ءبىر ءقاۋىپ جوق دەپ وتىر. دەگەنمەن، وزەن بويىندا سۋ باسۋى ىقتيمال 29 ايماق بەلگىلەنگەن. وندا بوگەتتەردى نىعايتۋ جۇمىستارى جۇرگىزىلىپ، تاسقىننىڭ الدىن الۋدا ارنايى قۇرىلىمدار مەن تەحنيكالار ءتاس-تۇيىن دايىن وتىر.
"قالانىڭ توڭىرەگى وسى پمك ساياجايىندا داريانىڭ دەڭگەيى كوتەرىلۋ بەلگىسى بايقالادى. ويتكەنى، مۇزدىڭ جيىلەپ جايلاپ قىزىلوردانىڭ توڭىرەگىنە كەلە جاتقاندىقتان. دەگەنمەن، 2،5-3،5 مەتردەي بىزدە ارا قاشىقتىق زاپاس بار قورعانىس بوگەتىندە"،-دەيدى وبلىستىق تجد ءبولىم باستىعى بەيبىتحان سپانوۆ.