سىر ەلىندە ەپيداحۋال تۇراقتالۋدا

وڭىردە ەپيدەميولوگيالىق جاعداي تۇراقتى

قىزىلوردا وبلىسىندا ەپيدەميولوگيالىق جاعداي تۇراقتانىپ كەلەدى، دەپ حابارلايدى Almaty-akshamy.kz

بيىلعى جىلى ىندەتتىڭ ورشىگەن ۋاقىتى تامىز ايىندا تىركەلگەن. قازىرگى تاڭدا اۋرۋدىڭ تومەندەۋ قارقىنى بايقالادى.

«بۇگىنگى كۇنگە دەيىن وبلىستا كوروناۆيرۋس ينفەكسياسىنىڭ 18 297 جاعدايى تىركەلدى. ونىڭ 81،4 پايىزى وسى جىلى انىقتالعان. ىندەت وتكەن جىلمەن سالىستىرعاندا 4،4 ەسەگە جوعارىلاعان. قازان ايىندا اۋرۋدىڭ تومەندەۋ قارقىنى بايقالادى. قازان ايىنىڭ ون ەكى كۇنىندە بارلىعى 353 جاعداي تىركەلگەن. ەڭ جوعارعى كورسەتكىش بيىلعى جىلدىڭ تامىز ايىندا بولعانى بەلگىلى. قازىرگى تاڭدا تۇرعىندار اراسىندا ۇجىمدىق يممۋنيتەت قالىپتاسىپ كەلەدى. الايدا ىندەت جۇقتىرۋشىلاردىڭ كوپشىلىگى جۇمىسسىز ازاماتتار ەكەنى بەلگىلى. دەگەنمەن، وبلىستا ەكپە الۋ قارقىنى بەلسەندى تۇردە جۇرگىزىلىپ جاتىر. وبلىستا ەكپە قورى جەتكىلىكتى»، - دەدى وبلىستىق سانيتارلىق-ەپيدەميولوگيالىق باقىلاۋ دەپارتامەنتى باستىعىنىڭ ورىنباسارى ءاليا ءابدىقايىموۆا.

سونداي-اق، قىزىلوردادا ەكپە قابىلداۋعا قابىلەتتى ازاماتتاردىڭ 72 پايىزى ۆاكسينا سالدىردى.