سۆەتلانا ايتبايەۆا: ءاربىر بالانىڭ انگە، كۇيگە، ونەرگە اۋەس بولىپ وسكەنى تەك جاقسىلىق اكەلەدى

ول بارشا قىز-كەلىنشەكتەردى 8 ناۋرىز – حالىقارالىق ايەلدەر كۇنىمەن قۇتتىقتادى

ءانشى، ق ر ەڭبەك سىڭىرگەن قايراتكەرى سۆەتلانا ايتبايەۆا ءاربىر بالانىڭ ونەرگە اۋەس بولىپ وسكەنى تەك جاقسىلىق الىپ كەلەتىنىن ايتا كەلە، نازىك جاندىلارىمىزدى 8 ناۋرىز – حالىقارالىق ايەلدەر كۇنىمەن قۇتتىقتادى، دەپ حابارلايدى Almaty-akshamy.kz ەلوردا اكىمدىگىنىڭ رەسمي سايتىنا سىلتەمە جاساپ.

«مەن 23 جىلعا جۋىق مادەنيەت سالاسىندا قىزمەت ەتىپ كەلەمىن. ءوز ماماندىعىمدى جان-دۇنيەڭدى كەرەمەت اسەرگە، ادەمىلىككە بولەيتىن مادەنيەتپەن بايلانىستىرعانىما قۋانامىن. مەنىڭشە ءاربىر بالانىڭ انگە، كۇيگە، ونەرگە اۋەس بولىپ وسكەنى تەك جاقسىلىق اكەلەتىن سياقتى. ومىردەگى ەڭ ۇلكەن جەتىستىگىم – ماماندىعىم، وتباسىم، بالالارىم دەپ سانايمىن. سوندىقتان ءار اناعا، ءاربىر جانعا ءدال وسىنداي باقىتتىڭ ەسەلەنىپ بۇيىرۋىن تىلەيمىن!»، - دەدى ءانشى، ق ر ەڭبەك سىڭىرگەن قايراتكەرى سۆەتلانا ايتبايەۆا.

ول كوكتەمنىڭ شۋاقتى مەرەكەسىندە قىز-كەلىنشەكتەرگە ارناعان ىستىق لەبىزىن بىلايشا جەتكىزدى:

«بارلىق انالاردى، كوكتەمدەي قۇلپىرعان قىزداردى، ارۋلارىمىزدى ەڭ ادەمى مەرەكە – ايەلدەر كۇنىمەن شىن جۇرەكتەن قۇتتىقتايمىن! دەندەرىڭىزگە ساۋلىق، وتباسىلارىڭىزعا اماندىق تىلەيمىن! بالالارىڭىزدىڭ تەك قانا قىزىق-قۋانىشىنا بولەنىپ، ەلىمىزدىڭ ماقتان تۇتار ازاماتتارىن تاربيەلەپ، سولاردىڭ جەتىستىكتەرىنە مارقايىپ، ءجۇز جاساڭىزدار! ەلىمىز امان، جۇرتىمىز تىنىش بولسىن! ول ءۇشىن ءاربىر انانىڭ كوڭىلى الاڭسىز، ءتۇنى تىنىش، كۇنى شۋاقتى بولسىن!