وسپان وكەن، ق ر ۇلتتىق يادرولىق ورتالىعى اتوم ەنەرگياسى ينستيتۋتى پەرسپەكتيۆالىق ماتەريالدار زەرتحاناسىنىڭ زەرتحاناشىسى:
"قازىرگى تاڭدا ءبىز سۋتەگىنى تاسىمالداۋ ءۇشىن ونى مەتالدىڭ ىشىنە ەنگىزۋ تەحنولوگياسىن دايىنداپ جاتىرمىز. بۇل ادىستە سۋتەگىنى بەلگىلى ءبىر تەمپەراتۋرادا قىزدىرىپ، مەتالدىڭ ىشىنە ەنگىزەمىز. قاجەت بولعان كەزدە ونى قايتا قىزدىرىپ، بەلگىلى ءبىر تەمپەراتۋراعا جەتكىزىپ، سۋتەگىنى شىعارىپ الامىز. بۇل ءتاسىل تاسىمالداۋ كولەمىن ازايتىپ، سۋتەگىنىڭ ءتيىمدى كولەمىن ارتتىرادى. زەرتتەۋ بارىسىندا سۋتەگىنى تاسىمالداۋدىڭ ەكونوميكالىق تيىمدىلىگى دە ەسكەرىلدى. ءبىز وسى ماقساتتا ارزان ءارى ءتيىمدى مەتالداردى قولدانۋعا بەت بۇردىق. مىسالى، ماگنييدى تاڭدادىق، سەبەبى ول جەر بەتىندە تابىلۋى سالىستىرمالى تۇردە جەڭىل جانە باسقا ماتەريالدارعا قاراعاندا ارزانىراق. پاللاديي نەمەسە لانتان سياقتى ماتەريالدارمەن دە تاسىمالداۋعا بولادى، ءبىراق ولار قىمبات بولعاندىقتان، ءبىز ارزان بالامالاردى زەرتتەپ جاتىرمىز."
قازىرگى تاڭدا قازاقستاندا 500 ميلليارد تەكشە مەتر كومىر مەتانىنىڭ قورى بار، جانە مۇناي-گاز ونەركاسىبىندە دە مەتان اۋاعا تاراپ جاتىر. وتاندىق عالىمدار وسى مەتاننان سۋتەگى ءوندىرىپ، ونى حالىق يگىلىگىنە جاراتۋعا نيەتتەنىپ وتىر. اتوم ەلەكتر ستانسياسى سالىناتىن بولسا، سۋتەگىنى كەڭىنەن قولدانۋعا مۇمكىندىك پايدا بولادى.