ءناپاقاسىن سۇتتەن تاۋىپ جۇرگەن تاباتىن اۋىل تۇرعىندارىنا قيىن بولماق.
اسىرەسە ەلىمىزدىڭ سولتۇستىك وڭىرلەرىندەگى ءسۇت وڭدەۋشىلەر ءوندىرىستى قىسقارتۋعا ءماجبۇر، دەپ حابارلايدى Almaty-akshamy.kz.
24.kz حابارلاۋىنشا، سەنات دەپۋتاتى زاكيرجان كۋزييەۆ ءوزىنىڭ دەپۋتاتتىق ساۋالىندا وسىلاي دەدى. سەناتوردىڭ ايتۋىنشا، شاعىن شارۋا قوجالىقتارى مەن جەكە قوسالقى شارۋاشىلىقتار مەملەكەتتىك ورگانداردىڭ نازارىنان تىس قالىپ كەلگەن. دەگەنمەن ءمۇيىزدى ءىرى قارانىڭ 85%-تەن استامى جانە ەلىمىزدە وندىرىلگەن بارلىق ءسۇتتىڭ 88% سولاردىڭ قولىندا.
ال 2025 جىلى ەۋرازيالىق ەكونوميكالىق كوميسسيا كەڭەسىنىڭ شەشىمى كۇشىنە ەنەدى. جاعداي سودان كەيىن ءتىپتى ۋشىعىپ كەتۋى مۇمكىن دەپ وتىر. ويتكەنى جاڭا ەرەجەدە شيكى سۇتكە قويىلاتىن تالاپتار كۇشەيتىلەدى. ياعني، بارلىعى اۆتوماتتاندىرىلعان جۇمىسقا كوشۋى قاجەت بولادى. الايدا شاعىن شارۋا قوجالىقتارى مۇنداي جاعدايدى قامتاماسىز ەتە المايدى. ول ءۇشىن وسى سالاداعى شارۋالارعا نەسيە بەرۋ جانە سەرۆيستىك-ساتىپ الۋ ورتالىقتارىن قۇرۋ قاجەت.
«شيكى ءسۇتتى وڭدەۋ كاسىپورىندارىنا تەحنيكالىق رەگلامەنتكە سايكەس جەتكىزۋدىڭ مۇمكىندىگى جوق. شيكىزات تاپشىلىعىنا بايلانىستى قايتا وڭدەۋ كاسىپورىندارىنىڭ ءوندىرىس قۋاتى 40%-كە دەيىن ازايادى. ءسۇت زاۋىتتارىنىڭ 90%ء-ى جۇمىسىن توقتاتۋعا ءماجبۇر بولادى. ونىڭ تالاپتارى كۇشىنە ەنگەننەن كەيىن بۇگىندە ءسۇت ساتۋدان تابىس تاباتىن اۋىل تۇرعىندارىنىڭ 70%ء-ى تۇراقتى تابىس كوزىنەن ايىرىلۋ ءقاۋپى تۋىنداپ وتىر»، - دەيدى ق ر پارلامەنتى سەناتىنىڭ دەپۋتاتى زاكيرجان كۋزييەۆ.