سۋرروگات انانىڭ قۇنى قانشا؟

تاجىريبەلى ايەلدەردىڭ قىزمەتى قىمبات باعالانادى.

سۋرروگات انالار ءوز قىزمەتىن 2،5 ملن-نان 9 ملن تەڭگەگە دەيىن باعالايدى، دەپ حابارلايدى Almaty-akshamy.kz

Ranking.kzء-تىڭ اقپاراتىنا ساي، قازاقستاننىڭ كلينيكالارىندا جاساندى ۇرىقتاندىرۋ باعاسى تومەن، بۇل شەتەلدىكتەر ءۇشىن وڭتايلى بولىپ وتىر.

قازاقستاندا زاڭ بويىنشا سۋرروگات انانىڭ قىزمەتىن نەكەدە تۇرعان، بەدەۋلىك دياگنوزى قويىلعان، فيزيولوگيالىق تۇرعىدان بالا كوتەرە المايتىن جانە تۋا المايتىن ەرلى-زايىپتىلار عانا پايدالانا الادى.

سۋرروگات انا بولۋ باعدارلاماسىنىڭ قۇنى ميلليونداعان تەڭگەمەن ەسەپتەلەدى.

سۋرروگات انانى ىزدەۋدىڭ ەكىنشى نۇسقاسى – رەپرودۋكتيۆتى مەديسينالىق كلينيكا. بۇنداي مەكەمەدە تىركەلگەن ايەلدەردىڭ قىزمەت قۇنى – 3-7 ملن تەڭگە.

نەگىزگى شىعىندار پاكەتىنە ايەلدىڭ اقىسىنان بولەك، ونى اي سايىن كۇتۋ دە كىرەدى (200 مىڭنان 250 مىڭ تەڭگەگە دەيىن). مىندەتتى شىعىنداردىڭ تاعى ءبىرى – گەنەتيكالىق اتا-انالارعا ارنالعان ەكۇ باعدارلاماسىن تىكەلەي جۇرگىزۋ. ەرلى-زايىپتىلارعا بۇل ءۇشىن 1،5-2 ميلليون تەڭگە جۇمساۋعا تۋرا كەلەدى. بۇل سوما وپەراتيۆ جىنىس جاسۋشالارىن الۋ ءۇشىن نەمەسە ەمبريونداردى قوسىمشا گەنەتيكالىق زەرتتەۋ كەزىندە جەدەل مەديسينالىق پروسەدۋرالاردى جۇرگىزۋ قاجەت بولعان جاعدايدا كوبىرەك بولۋى مۇمكىن.

سونداي-اق مىندەتتى شىعىنعا گەنەتيكالىق اتا-انالار مەن سۋرروگات انا اراسىندا شارت جاساسۋدىڭ نوتارياتتىق قىزمەتتەرى كىرەدى: شامامەن 60 مىڭ تەڭگە. وسىلايشا، سۋرروگات انا باعدارلاماسىنىڭ ماڭىزدى كەزەڭدەرىن وتكىزۋ شىعىنى 6،7 ملن-نان 11،3 ملن تەڭگەگە دەيىن بارادى.