قازاقستاندىق ايەلگە سۋرەت ءۇشىن 129 مىڭ تەڭگە ايىپپۇل سالىندى
بۇعان الەۋمەتتىك جەلىدەگى سۋرەت سەبەپ بولعان، دەپ حابارلايدى Almaty-akshamy.kz اتىراۋ وبلىستىق سوتىنا سىلتەمە جاساپ.
اتىراۋدىڭ اكىمشىلىك قۇقىق بۇزۋشىلىق ىستەرى جونىندەگى سوتى ق ر اقبتك-نىڭ 490-بابى "ءدىني قىزمەت جانە ءدىني بىرلەستىكتەر تۋرالى زاڭنامانى بۇزۋ" بويىنشا ءىستى قارادى.
اتىراۋ تۇرعىنى "ۆكونتاكتە" الەۋمەتتىك جەلىسىندەگى جەكە پاراقشاسىنا ءدىني مازمۇنداعى سۋرەت جاريالاپ، وسى باپتى بۇزعان.
"ا-نىڭ كىناسى سوت وتىرىسىندا زەرتتەلگەن ءىس ماتەريالدارى، اكىمشىلىك قۇقىق بۇزۋشىلىق تۋرالى حاتتاما، ساراپشىنىڭ قورىتىندىسى، اڭگىمەلەسۋ حاتتاماسىمەن راستالدى"، - دەلىنگەن سوتتا.
ايەلگە 129 مىڭ 220 تەڭگە ايىپپۇل سالىندى. سوت قاۋلىسى زاڭدى كۇشىنە ەندى.