«سۋپەر كەلىن»

پاۆلوداردا «سۋپەر كەلىن» انىقتالدى

ەرتىس-بايان وڭىرىندە جاس كەلىندەر اراسىندا جىل سايىنعى «سۋپەر كەلىن – 2021» وبلىستىق بايقاۋى ءوتتى، دەپ حابارلايدى Almaty-akshamy.kz Pavlodarnews.kz-كە سىلتەمە جاساپ.

جاستار باستامالارىن دامىتۋ ورتالىعىنىڭ مالىمدەۋىنشە، كەلىندەر دوداسىنا جاسى 18-دەن 29 جاسقا دەيىنگى ورامالدىلار قاتىستى.

«كەلىندەر 4 كەزەڭنەن تۇراتىن بايقاۋعا مۇقيات دايىندالدى. ونىڭ ءبىرىنشىسى – بەينە پرەزەنتاسيا. ياعني مۇندا كەلىندەر وزدەرىن، وتباسىن تانىستىراتىن بولسا، ەكىنشىسى - كەلىندەر ءوز قولدارىمەن ازىرلەگەن ۇلتتىق تاعامىن ۇسىناتىن بولسا، ءۇشىنشى كەزەڭدە قاتىسۋشىلارعا قامىر جايسا، سوڭعى بولىمدە ءوزىنىڭ ونەرىن كورسەتىپ، شىعارماشىلىق قابىلەتىن اشا ءبىلدى»، - دەلىنگەن باسپا ءسوز حابارلاماسىندا.

بايقاۋ قورىتىندىسى بويىنشا قازىلار القاسىنىڭ شەشىمىمەن نازيرا سابىر «سۋپەر كەلىن -2021» اتاعىن جەڭىپ الدى. ال «ونەرلى كەلىن - 2021» اتالىمىن داريزا مەشىتباي يەلەنسە، «شەبەر كەلىن - 2021» اتالىمىندا نازەركە بەكجانوۆا جەڭىسكە جەتتى.
جەڭىمپازدار باعالى سىيلىقتارمەن جانە ديپلومدارمەن ماراپاتتالدى.

سونىمەن قاتار، بايقاۋعا قاتىسقان بارلىق قاتىسۋشىلار ىنتالاندىرۋ سىيلىقتارىمەن، گۇل شوقتارىمەن جانە ەستەلىك ديپلومدارمەن ماراپاتتالدى.