بۇگىندە قازاق بالۋانى نيحون ۋنيۆەرسيتەتىندە ءۇش باپكەردەن ءتالىم الادى
بالقاش اۋدانىنىڭ تۋماسى ەرسىن بالتاعۇل سۋمو كۇرەسىنەن چەمپيون اتاندى، دەپ حابارلايدى Almaty-akshamy.kz.
قازاق بالۋانى وسىلايشا، حارۋ ءباشودا ماكۇشيتا ديۆيزيونى بويىنشا 7:0 ەسەبىمەن ۇلكەن سپورتتاعى العاشقى جەڭىسىنە قول جەتكىزدى.
ال، جوعارعى ديۆيزيون بويىنشا سەكيۆاكە ۆاكاتاكاكا چەمپيون اتاندى.
سۋموشى ەرسىن بالتاعۇل بۇعان دەيىن 2019 جىلى جاپونيادا جاستار اراسىندا وتكەن دودادا سۋمو چەمپيونى اتانعان بولاتىن. ول توكيوعا 18 جاسىندا كەتكەن. بالا كۇنىندە قازاق جانە جۋدو كۇرەسىمەن اينالىسقان. سپورتتىڭ بۇل تۇرىنە كەلۋىنە ايگىلى موڭعول بالۋانى اساشەري داگۆادورج سەبەپكەر بولعان. قازاق جىگىتىنىڭ ەرەكشە دەنە بىتىمىنە نازارى ءتۇسىپ، ەرسىننىڭ جاپونيادا وقۋىنا ىقپال ەتكەن.
بۇگىندە قازاق بالۋانى نيحون ۋنيۆەرسيتەتىندە ءۇش باپكەردەن ءتالىم الادى. ول وقۋعا بارعاندا سالماعى 130 كەلى تارتسا، ءقازىر 190 كەلىگە دەيىن جەتكەن. ەرسىننىڭ سۋموداعى لاقاپ اتى – كينبوزان، قازىرگى دارەجەسى – Ms34.