سۋمەن قامتاماسىز ەتۋ جانە سۋ بۇرۋ

بۇگىنگى كۇنى «المەرەك» شاعىناۋدانىنداعى ۇيلەر 100%، «قايرات» شاعىناۋدانىنداعى ۇيلەر 80%، «نۇرشاشقان» شاعىناۋدانىنداعى ۇيلەر 30% قوسىلعان.

2022 جىلدىڭ سوڭىنا دەيىن «جاس قانات» (530 ءۇي، 2 650 تۇرعىن «Jasyl El Qyrulys» ج ش س) جانە «شۋاقتى» (400 ابونەنت، 1500 تۇرعىن) شاعىناۋداندارىندا، زاكارپاتسكايا كوشەسىندە (70 ابونەنت، 260 تۇرعىن) جەلىلەر سالىنادى، دەپ حابارلايدى Almaty-akshamy.kz

«بيىل قالاعا قوسىلعان «المەرەك»، «قايرات»، «نۇرشاشقان» شاعىناۋداندارىنداعى ۇيلەردىڭ 90%-ى سۋمەن قامتاماسىز ەتۋ جانە كاناليزاسيانىڭ ماگيسترالدىق جانە كۆارتال ىشىندەگى جەلىلەرى تارتىلدى. (3،3 مىڭ ءۇي ۋچاسكەلەردىڭ شەكاراسىنا دەيىن 137،2 كم). 2،9 مىڭ ۇيگە جەلىلەردى تۇرعىنداردىڭ وزدەرى قوسىپ جاتىر»، - دەدى قالا باسشىسى.

انىقتاما: «المەرەك» شاعىناۋدانىنداعى 1 100 ءۇيدىڭ 819-ى قوسىلعان. «قايراتتا» 1400 ءۇيدىڭ 1 265-ىنە سۋمەن قامتاماسىز ەتۋ  جەلىلەرى تارتىلدى، 280 ابونەنت قوسىلدى. «نۇرشاشقان» شاعىن اۋدانىنداعى بارلىق 821 ۇيگە سۋمەن جەلىلەرى تارتىلدى. وسىلايشا تاعى 1 مىڭ ءۇي قوسىلادى.

«نيجنيايا پياتيلەتكا» شاعىناۋدانىنداعى جۇمىستاردى 2023 جىلدىڭ جەلتوقسان ايىندا اياقتاۋ جوسپارلانعان (4120 ءۇي، 16 000 تۇرعىن، «الۆيس» ج ش س).

«بۇدان باسقا، جىلدىڭ سوڭىنا دەيىن 8،3 كم 11 ۋچاسكەدەگى جەلىلەر رەكونسترۋكسيالانادى. «المەرەك»، «ماياك»، «قايرات» شاعىناۋداندارىنىڭ تۇرعىندارىن ورتالىقتان سۋمەن جانە سۋ بۇرۋ جەلىسىمەن تولىق قامتۋ ماقساتىندا قالعان 1200 ۇيلەرگە جەلىلەر سالۋ ءۇشىن جوبالاۋ-سمەتالىق قۇجاتتاما ازىرلەنىپ جاتىر.  قۇرىلىستى 2023 جىلدىڭ II توقسانىندا باستاۋدى جوسپارلاپ وتىرمىز»، - دەدى مەگاپوليس اكىمى ە.دوسايەۆ.