قالا كۇنىنە وري “الاتاۋ" ءداستۇرلى ونەر تەاترىنىڭ ساحناسىندا الماتى قالاسى اكىمدىگىنىڭ، الماتى قالاسى مادەنيەت باسقارماسىنىڭ ۇيىمداستىرۋىمەن “"جەكپە-جەك" ايتىس ءوتتى. الامان دوداعا 2015 جىلعى "التىن دومبىرا" ايتىسىنىڭ جەڭىمپازى اسپانبەك شۇعاتايەۆ پەن 2021 جىلعى "اسىل دومبىرا" ايتىسىنىڭ جەڭىمپازى قازىرەت بەردىحان قاتىستى.
قازىرەت پەن اسپانبەكتىڭ اراسىنداعى بولعان ايتىسقا كەلگەن كورەرمەن سانىندا شەك بولمادى. ەكى اقىننىڭ دا ءوز جانكۇيەرلەرى بار ەكەنىن وسى ايتىس دالەلدەدى. قالا كۇنىنە ارنالعان ايتىسقا الماتى قالاسىنىڭ اكىمى دوسايەۆ ەربولات مىرزا ارنايى كەلىپ قاتىستى. ايتىستىڭ ءبىر ەرەكشەلىگى ساحنا تورىندە قوس اقىندى ايتىستىڭ سوڭىنا دەيىن "الاتاۋ" ءداستۇرلى ونەر تەاترىنىڭ "الاتاۋ" فولكلورلىق ءانسامبلى سۇيەمەلدەدى. قوس مىقتىنىڭ ايتىسىنىڭ الدىندا كورەرمەن كوزايىمىنا اينالعان ورالدىق مۇرادىم ميرلانوۆ پەن اباي وبلىسىنىڭ جاس جۇلدىزى ايشولپان تىلەۋتاي ونەر كورسەتتى. ايتىسقا تورەلىك جاساعان ايتىسكەر اقىن، ق ر مادەنيەت قايراتكەرى سەرىك قالييەۆ باستاعان، ق ر جازۋشىلار وداعى ءتوراعاسىنىڭ ورىنباسارى، اقىن باقىت بەدەلحان جانە ايتىسكەر اقىن ماقسات احانوۆ جەكپە-جەكتىڭ جەڭىمپازى دەپ قازىرەت بەردىحاندى تانىدى.
ايتىستىڭ قۇرمەتتى قوناعى رەتىندە كورەرمەندەر قاتارىنان ءاسانالى ءاشىموۆ، تۇڭعىشباي جامانقۇلوۆ، نۇرعالي ءنۇسىپجانوۆ، اسىلى وسمان، الماس احمەتبەك سىندى ەل ازاماتتارى ورىن الدى.