تورەشى ءۇشىنشى راۋندتا سۇلتانعا نوكداۋن جاريالادى
قازاقستاندىق بوكسشى سۇلتان زاۋىربەك (12-0، 8 كو) لوندونداعى York Hall-دا وتكەن بوكس كەشىندە «پيتبۋل» دەگەن لاقاپ اتپەن بەلگىلى ارگەنتينالىق نيكولاس بوتەلليدى (11-6، 6 كو) جەڭدى، دەپ حابارلايدى Almaty-akshamy.kz Sports.kz-كە سىلتەمە جاساپ.
سۇلتاننىڭ ەكىنشى جارتىلاي جەڭىل سالماقتا WBO European چەمپيونى بولعانىنا قاراماستان ول بوتەلليمەن اتاققا تالاسقان جوق. جەكپە-جەك 10 راۋندقا ەسەپتەلگەن بولاتىن. قازاقستاندىق قارسىلاسىن 5ء-شى راۋندتا نوكاۋتقا ءتۇسىردى.
بۇل رەتتە ءۇشىنشى راۋندتا تورەشىنىڭ سۇلتانعا نوكداۋن جاريالاعانىن ايتا كەتۋ كەرەك.
وسىلايشا، سۇلتان زاۋىربەك كاسىبي بوكستاعى كارەراسىندا 13ء-شى رەت جەڭىسكە جەتتى. ال نيكولاس بوتەللي 7ء-شى رەت جەڭىلدى. سۇلتان الدىمەن مالتيالىق حايتەم لامۋزبەن (17-1، 7 كو) جۇدىرىقتاسۋى كەرەك ەدى. الايدا ول جاراقاتىنا بايلانىستى جەكپە-جەك الدىندا جارىسقا قاتىسا المايتىنىن مالىمدەدى.