بۇگىن الماتى قالاسىندا تاڭعى ساعات 09:00 شاماسىندا جاڭبىر جاۋادى دەپ بولجاندى جانە كۇنى بويى جاۋىن جاۋۋى مۇمكىن.
وسىعان بايلانىستى قالالىق كوممۋنالدىق ينفراقۇرىلىمدى دامىتۋ باسقارماسى تاڭعى 8-دەن باستاپ 46 پاترۋلدىك بريگادانىڭ جۇمىسىن ۇيىمداستىردى، دەپ حابارلايدى Almaty-akshamy.kz
تاڭەرتەڭ جاڭبىر قارقىندىلىعىنىڭ جانە جەلدىڭ ەكپىنىنىڭ كۇشەيۋىنە بايلانىستى ارىق جەلىلەرى ارقىلى سۋدىڭ كەدەرگىسىز ءوتۋىن قامتاماسىز ەتۋ ماقساتىندا تاڭعى 8-دەن باستاپ 46 پاترۋلدىك بريگادا جۇمىسقا شىقتى. سۋ تاسقىنىنىڭ الدىن الۋ جانە جويۋ ءۇشىن بارلىعى 165 بىرلىك ارنايى تەحنيكا، 26 موتوپومپالار جانە 836 جول جۇمىسشىلارى جۇمىلدىرىلدى. 1825 قاپ قۇم جينالدى.
اۋدان اكىمدىكتەرىندە جۇمىس ءوندىرىسىن باقىلاۋ بويىنشا كەزەكشىلىك ۇيىمداستىرىلدى.
الماتى قالاسىنداعى «قازگيدرومەت» رمك بولجامى بويىنشا كەيدە ورتاشا جاڭبىر جاۋادى، تاڭەرتەڭنەن 14:00 - گە دەيىن-قارقىندى، جەلدىڭ ەكپىنى 13 م/س دەيىن، جاۋىن-شاشىن 23 قىركۇيەككە قاراعان تۇنگە دەيىن ۇزىلىسپەن بولجانادى. كۇندىز اۋا تەمپەراتۋراسى +12...+14 گرادۋس.
«قولايسىز بولجامدى ەسكەرە وتىرىپ، ءبىز جۇرگىزۋشىلەردى جىلدامدىقتى تومەندەتۋگە، اۆتوموبيلدەر اراسىنداعى قاشىقتىقتى ارتتىرۋعا جانە اپاتتار ءقاۋپىنىڭ جوعارىلاۋىنا بايلانىستى كەنەتتەن مانيەۆرلەردەن اۋلاق بولۋعا شاقىرامىز.جەلدىڭ كۇتىلەتىن كۇشەيۋىنە جانە ارىق وتكەلدەرىن بىتەپ تاستايتىن بۇتاقتار مەن كەزدەيسوق قوقىستاردىڭ قۇلاۋىنا جانە جەكەلەگەن ۋچاسكەلەردە ىقتيمال سۋتاسقىنىنا بايلانىستى جاياۋ جۇرگىنشىلەردىڭ ساق بولۋدى سۇرايمىز»، دەپ حابارلادى باسقارما.
