ۇكىمەتتە سۋ تاسقىنىنان زارداپ شەككەندەرگە كەلتىرىلگەن شىعىندى وتەۋ تەتىكتەرى مەن قارجىلاندىرۋ كوزدەرى تالقىلاندى، دەپ حابارلايدى almaty-akshamy.kz
ۇكىمەتتە سۋ تاسقىنىنا قارسى ءىس-شارالاردى ۇيلەستىرۋ جانە سۋ تاسقىنى كەزەڭىنىڭ زارداپتارىن جويۋ جونىندەگى رەسپۋبليكالىق شتابتىڭ وتىرىسى ءوتتى.
شتاب جۇمىسى اياسىندا پرەمەر-مينيستردىڭ ورىنباسارى – ۇلتتىق ەكونوميكا ءمينيسترى نۇرلان بايبازاروۆ تابيعي سيپاتتاعى توتەنشە جاعدايلاردان زارداپ شەككەندەرگە كەلتىرىلگەن زياندى وتەۋگە قاراجات جەرگىلىكتى اتقارۋشى ورگاندار رەزەرۆىندە كوزدەلگەنىن باياندادى. زالالدىڭ الدىن الا مولشەرىن جاو، ونەركاسىپ جانە قۇرىلىس، سونداي-اق توتەنشە جاعدايلار مينيسترلىكتەرى ايقىندايتىن بولادى. قوسىمشا قاجەتتىلىك تۋىنداعان جاعدايدا قارجىلاندىرۋ ۇكىمەتتىڭ رەزەرۆىنەن قاراستىرىلادى.
ىس-ارەكەت الگوريتمى:
1) ماتەريالدىق زارداپ شەككەندەر تج تۋىنداعان كۇننەن باستاپ كۇنتىزبەلىك 30 كۇن ىشىندە جاو-عا ماتەريالدىق زالالدى وتەۋ تۋرالى ءوتىنىش بەرەدى.
2) جاو ءوتىنىش تىركەلگەن كۇننەن باستاپ 10 جۇمىس كۇنى ىشىندە كەلتىرىلگەن زالالدىڭ مولشەرىن باعالاۋدى ۇيىمداستىرادى. تۇرعىن ءۇيى ءقاۋىپتى دەپ تانىلعان زارداپ شەككەن ازاماتتاردىڭ ءتىزىمىن جەرگىلىكتى اكىمدىكتەر قالىپتاستىراتىن بولادى.
