سۋ تاسقىنىنان زارداپ شەككەن وڭىرلەردەگى وقۋشىلار ەمتيحاندار مەن سىناقتاردان بوساتىلدى

اتىراۋ مەن اقتوبە وبلىسىنداعى وقۋشىلار ءۇشىن بجب مەن تجب الىنىپ تاستالدى، دەپ حابارلايدى Almaty-akshamy.kz.

بۇل تۋرالى ق ر وقۋ-اعارتۋ مينيسترلىگىنىڭ رەسمي وكىلى مەرەكە امانگەلدى قىزى حابارلادى. 

«ءبىلىم الۋشىلاردىڭ ءبىلىم جەتىستىكتەرى مونيتورينگىنەن اتىراۋ، اقتوبە، قوستاناي جانە باتىس قازاقستان وبلىستارىنان 28 مەكتەپ بوساتىلدى. التى وڭىردە (اقمولا، اتىراۋ، اقتوبە، سقو، قوستاناي جانە بقو) مونيتورينگ 15 ساۋىردەن 22 ساۋىرگە اۋىستىرىلدى. قالعان وڭىرلەردە وقۋ شتاتتىق رەجيمدە جۇرگىزىلۋدە»، - دەدى دەدى ۆەدومستۆونىڭ رەسمي وكىلى.

مينيسترلىك وقۋ پروسەسىن ۇيىمداستىرۋ بويىنشا جۇمىستاردى جالعاستىرۋدا. ەۆاكۋاسيالىق پۋنكتتەردەگى بالالاردى ورنالاستىرۋ بويىنشا جۇمىستار جۇرگىزىلىپ جاتىر. بۇگىنگى تاڭدا 2393 بالا وقۋ پروسەسىن ۇيىمداستىرۋمەن بىرگە ورنالاستىرىلدى. اتاپ ايتقاندا، باستاۋىش سىنىپ وقۋشىلارى ساۋىقتىرۋ ورتالىقتارىنا اتا-انالارىمەن بىرگە جىبەرىلەدى. ورتا بۋىنداعى وقۋشىلار رەسپۋبليكالىق ماڭىزداعى يننوۆاسيالىق مەكتەپ ليسەيلەردىڭ («دارىن»، رفمم، بيل جانە نزم) جاتاقحانالارىنا، جوعارعى سىنىپ وقۋشىلارى (9-11 سىنىپتار) ۋاقىتشا كوللەدجدەرگە ورنالاستىرىلادى.