مينيسترلىك كوكتەمگى سۋ تاسقىنىنان قورعاۋ ماقساتىنداعى جوبانى 6 وبلىس اكىمدىگىمەن بىرلەسىپ دايارلاپ جاتىر.
سۋ رەسۋرستارى جانە يرريگاسيا مينيسترلىگى 84 ەلدى مەكەندى سۋ تاسقىنىنان قورعايتىن 56 جوبانى ىسكە اسىرىپ جاتىر، دەپ حابارلايدى aqshamnews.kz
اتاپ ايتقاندا، اقمولا، اقتوبە، باتىس قازاقستان، پاۆلودار، سولتۇستىك قازاقستان جانە قوستاناي وبلىستارىندا 580 مىڭ تۇرعىنى بار 84 ەلدى مەكەننىڭ قاۋىپسىزدىگىن قامتاماسىز ەتۋ جوسپارلانىپ وتىر.
«جالپى ۇزىندىعى 310 شاقىرىم بوگەت سالۋ قاراستىرىلعان. بۇگىنگى تاڭدا بۇل جۇمىستاردىڭ شامامەن 40%-ى ورىندالدى»، دەلىنگەن مالىمدەمەدە.
«وسىعان دەيىن مينيسترلىكتىڭ باسسەيندىك ينسپەكسيالارى تجم جانە اكىمدىكتەرمەن بىرلەسىپ ەلىمىز بويىنشا 1502 گيدروتەحنيكالىق قۇرىلىسقا زەرتتەۋ جۇرگىزدى. تەكسەرىس قورىتىندىسى بويىنشا گيدروتەحنيكالىق قۇرىلىستاردىڭ يەلەرىنە كەمشىلىكتەردى جويۋعا ۇسىنىستار بەرىلدى. كوكتەمگى سۋ تاسقىنىن قابىلداۋ ءۇشىن بوس سىيىمدىلىقتاردى قامتاماسىز ەتۋ ماقساتىندا ەلىمىزدىڭ سولتۇستىگى، باتىس، شىعىس جانە ورتالىق ايماقتارىنداعى سۋ قويمالارىنان سۋ جىبەرۋ جۇمىسى جالعاسىپ جاتىر»، – دەدى سۋ رەسۋرستارى جانە يرريگاسيا ۆيسە-مينيسترى ەربولات يبرايحانوۆ.