بۇدان بۇرىن ءبىز وتەماقىنى الۋ ءۇشىن قايدا بارۋ كەرەكتىگىن جازعانبىز.
ەگەر كولىك تابيعي اپات سالدارىنان بۇزىلسا، زاڭ بويىنشا كولىك يەلەرىنە وتەماقى تولەنۋى كەرەك، دەپ حابارلايدى Almaty-akshamy.kz
وتەماقى الۋدىڭ ءتارتىبى تابيعي سيپاتتاعى توتەنشە جاعدايعا بايلانىستى بولعان شىعىننىڭ ورنىن تولتىرۋ تۋرالى ەرەجەدە كورسەتىلگەن.
مىسالى تابيعي اپاتقا دەيىن كاسكو ءپوليسىن راسىمدەگەن نەمەسە باسقا دا كومپانيالاردا تابيعي اپاتتاردان ساقتاندىرىلعان كولىكتەرگە مەملەكەتتەن ەشتەڭە تولەنبەيدى. بۇل جەردە ساقتاندىرۋ كومپانياسى 15 كۇن ىشىندە وتەماقى تولەۋگە مىندەتتى.
اۆتوكولىكتى باعالاۋ بويىنشا بىرنەشە تالاپقا نازار اۋدارىلادى. ەڭ ماڭىزدىسى – كولىكتىڭ قۇنى مەن شىققان جىلى. كاسكو-نىڭ ساقتاندىرۋ باعاسى كولىك قۇنىنىڭ 2-دەن 5 پايىزىنا دەيىن بارادى.
كەيىنگى جىلدارى ءوز ەركىمەن كولىگىن ساقتاندىراتىن ازاماتتار سانى ارتقان. ماسەلەن بىلتىر ساقتاندىرۋ بويىنشا شامامەن 30 مىڭ كەلىسىمشارت جاسالعان.