سۋ تاسقىنى تۋرالى 16.00-دەگى اقپارات.
ازاماتتىق قورعاۋ قىزمەتتەرى، ۆولونتەرلەر جانە تارتىلعان ۇيىمدار اتىراۋ، اقتوبە، باتىس قازاقستان، سولتۇستىك قازاقستان وبلىستارىندا سۋ تاسقىنىن جويۋ جانە حالىققا كومەك كورسەتۋ بويىنشا جۇمىستاردى جالعاستىرۋدا، دەپ حابارلايدى Almaty-akshamy.kz ق ر توتەنشە جاعدايلار مينيسترلىگىنە سىلتەمە جاساپ.
باتىس قازاقستان وبلىسىندا جايىق وزەنىندە سۋ دەڭگەيىنىڭ كوتەرىلۋى ساقتالۋدا. جۇمىلدىرىلعان كۇشتەر مەن قۇرالدار قاپشىقتاردى توسەۋ، قورعاۋ بوگەتتەرىن سالۋ جانە سۋ باسقان اۋماقتان سۋ سورۋ جۇمىستارىن جالعاستىرۋدا. بارلىق كەزەك كۇتتىرمەيتىن شارالار قابىلدانۋدا.
اتىراۋ وبلىسىندا جىلىوي اۋدانىنىڭ قۇلسارى قالاسىندا سۋ باسقان ۇيلەر مەن اۋماقتاردان سۋدى سورۋ جانە سۋدىڭ باعىتىن بۇرۋ، جايىق وزەنى بويىندا جاعالاۋدى بەكىتۋ جۇمىستارى جالعاستىرىلۋدا.
سولتۇستىك قازاقستان وبلىسىندا سۋ تاسقىنى جاعدايى تۇراقتى كۇردەلى. سۋ باسقان ۇيلەر مەن اۋماقتاردان سۋدى سورۋ جۇمىستارى، ەسىل وزەنىندەگى سۋدىڭ دەڭگەيىنە مونيتورينگ جالعاسۋدا.
رەسپۋبليكا بويىنشا 26 785 ادام ءوز ۇيلەرىنە ورالدى. 8 795 ادام، ونىڭ ىشىندە 3 828 بالا ەۆاكۋاسيالاۋ پۋنكتتەرىندە. 4 708 تۇرعىن ءۇي مەن 2 774 اۋلا اۋماعىنان سۋدىڭ باعىتى بۇرىلىپ، سۋ سورىلدى.