بريتانيا عالىمدارى ەلدەگى سۋ تاسقىندارى ۇيرەنشىكتى قۇبىلىسقا اينالۋى مۇمكىن دەپ ەسكەرتەدى. ماماندار مۇنى جاھاندىق جىلىنۋدىڭ اسەرىمەن بايلانىستىرادى. سوندىقتان، تاسقىنعا قارسى كۇرەسكە ۇلتتىق دەڭگەيدە ءمان بەرۋ كەرەك، - دەيدى ولار.
سوڭعى جارتى جىلدىڭ وزىندە ۇلىبريتانيانى 8 ءتۇرلى دۇلەي داۋىل شارپىدى. جەلدىڭ جىلدامدىعى ساعاتىنا 130 شاقىرىمعا دەيىن جەتىپ، جاۋىن-شاشىننىڭ كەسىرىنەن وزەندەر ارناسىنان تاسىدى، دەپ جازادى qazaqstan.tv.
مىڭداعان ءۇيدى سۋ باسىپ، تۇرعىندار قازا تاپتى.
"داۋىلداردىڭ كوبەيۋىنە جاھاندىق جىلىنۋ سەبەپ. وكىنىشكە قاراي، بولاشاقتا مۇنداي تابيعي اپاتتاردىڭ تالايىن كورەمىز."مايك كەندون، مەتەورولوگيالىق قىزمەتتىڭ اعا عىلىمي قىزمەتكەرى
كەزىندە كوۆيدپەن كۇرەسكەندەي سۋ تاسقىندارىنا دا ۇلتتىق دەڭگەيدە قارسى تۇرا ءبىلۋ كەرەك. ۇكىمەت سىن-تەگەۋرىندەرگە دايىن بولىپ، ەسكەرتۋلەرگە قۇلاق اسادى دەپ ۇمىتتەنەدى عالىمدار.
"توپان سۋعا توتەپ بەرۋ ءۇشىن ارەكەت ەتۋگە مىندەتتىمىز. ينفراقۇرىلىمدارىمىزدى جوسپارلاۋعا كەلگەندە ولاردى نىعايتۋ ماسەلەلەرىن باستى نازاردا ۇستاۋىمىز قاجەت."كيەۆين كوللينز، OPEN ۋنيۆەرسيتەتىنىڭ عالىمى
جاعداي الاڭداتارلىق. مامانداردىڭ پىكىرىنشە، اتموسفەراداعى كومىرقىشقىل گازىنىڭ دەڭگەيى ارتىپ جاتىر. اۋانى لاستايتىن زياندى زاتتاردىڭ اسەرىنەن بيىلعى جىل ءتىپتى ىستىق بولىپ، تابيعي اۋىتقۋلار جيىلەيدى دەپ بولجانۋدا.