قاۋلىعا پرەمەر-مينيستر ولجاس بەكتەنوۆ قول قويدى.
ۇكىمەت رەزەرۆىنەن اتىراۋ وبلىسىنداعى جولداردى قالپىنا كەلتىرۋگە شامامەن 5،9 ملرد تەڭگە ءبولىندى، دەپ حابارلايدى aqshamnews.kz
اتالعان قاراجاتتىڭ 4،6 ملرد تەڭگەسى وبلىستىق ماڭىزى بار اۆتوجولداردىڭ جەتى ۋچاسكەسىن، ونىڭ ىشىندە، «يندەر – قاراباۋ – ساعىز»، قاراباۋ كەنتىنە كىرمە جولدار، «سارىتوعاي – ماحامبەت»، «اتىراۋ – يندەر»، سونداي-اق قۇلسارى قالاسىنداعى جاياۋ جۇرگىنشىلەر جولىن قالپىنا كەلتىرۋگە باعىتتالادى.
سۋ تاسقىنى سالدارىنان زارداپ شەككەن «يندەر – قاراباۋ – ميالى – ساعىز» اۆتوجولىنداعى كوپىر مەن سۋ وتكىزۋ قۇبىرلاردىڭ قۇرىلىسىنا شامامەن 1،3 ملرد تەڭگە بولىنەدى.
ايتا كەتەيىك، سۋ تاسقىنى 11 جول ۋچاسكەسىندە ەلەۋلى قيراتۋلارعا اكەلىپ، بەس ۋچاسكەدە سۋ وتكىزگىش قۇبىرلارعا زاقىم كەلتىردى.