سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ پەن عىلىم جانە جوعارى ءبىلىم ءمينيسترى ساياسات نۇربەك سۋ سالاسىنىڭ ماماندىقتارى ماسەلەلەرى بويىنشا بىرلەسكەن كەڭەس وتكىزدى.
كەزدەسۋگە جوعارى وقۋ ورىندارى مەن عىلىمي-زەرتتەۋ ينستيتۋتتارىنىڭ وكىلدەرى دە قاتىستى، دەپ حابارلايدى اlmaty-akshamy.kz.
"بولاشاق" باعدارلاماسىنا وزگەرىستەر ەنگىزىلىپ، وعان "گيدروگەولوگيا"، "سۋ رەسۋرستارى" جانە سۋ قاۋىپسىزدىگى" سەكىلدى سۋ سالاسىنىڭ ماماندىقتارى قوسىلدى. ناتيجەسىندە، بيىلدان باستاپ قازاقستاندىق ستۋدەنتتەر اتالعان ماماندىقتار بويىنشا شەتەلدە ءبىلىم الا الادى.
بۇگىندە قازاقستاندا 10 وقۋ ورنى سۋ سالاسىنىڭ ماماندارىن دايارلايدى. ال ءقازىر سۋ ماماندىقتارى بويىنشا 2500-گە جۋىق ستۋدەنت وقيدى.
"ءبىز ءۇشىن سۋ سالاسى ماماندىعىن تارتىمدى ەتۋ ماڭىزدى. 2024 جىلدىڭ باسىنان بەرى سۋ شارۋاشىلىعى قىزمەتكەرلەرىنىڭ ەڭبەكاقىسى ورتا ەسەپپەن 22%-عا ءوستى. بۇل سۋ رەسۋرستارى جانە يرريگاسيا مينيسترلىگى ازىرلەگەن ءىس-شارالاردىڭ ارقاسىندا مۇمكىن بولدى. سونىمەن قاتار، وتاندىق سۋ سالاسىنىڭ كادرلىق الەۋەتىن ارتتىرۋ ءۇشىن مينيسترلىك سۋ شارۋاشىلىعى ماماندارىن قايتا دايارلاۋدى جانە ولاردىڭ بىلىكتىلىگىن ارتتىرۋدى جوسپارلاپ وتىر"، – دەدى نۇرجان نۇرجىگىتوۆ.