بۇل جۇمىستار سۋدىڭ «كولەڭكەلى» نارىعىمەن، سۋ سالاسىنداعى زاڭسىز ارەكەتتەرمەن كۇرەسۋ جانە ءتارتىپ پەن اشىقتىقتى قامتاماسىز ەتۋ ءۇشىن جۇزەگە اسىرىلۋدا.
ايتا كەتۋ كەرەك، سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆتىڭ تاپسىرماسى بويىنشا ىشكى اۋديت دەپارتامەنتى 9 ايدا 11 مەكەمەگە اۋديتورلىق تەكسەرۋ جۇرگىزدى، دەپ حابارلايدى aqshamnews.kz سۋ رەسۋرستارى جانە يرريگاسيا مينيسترلىگىنە سىلتەمە جاساپ.
ماسەلەن، جامبىل وبلىسى بويىنشا «قازسۋشار» فيليالىنا جۇرگىزىلگەن تەكسەرىس بارىسىندا سۋ رەسۋرستارىن زاڭسىز پايدالانۋدىڭ 10-عا جۋىق فاكتىسى مەن شارۋالارمەن سۋارمالى سۋ بەرۋ كەلىسىمشارتتارىن جاساۋ بارىسىندا زاڭ بۇزۋشىلىقتارعا جول بەرىلگەنى انىقتاعان بولاتىن. اۋديت قورىتىندىسى بويىنشا مەكەمە باسشىسى مەن اسا وندىرىستىك ايماعىنىڭ باسشىسى قىزمەتىنەن بوساتىلدى. بۇدان بولەك، فيليال ديرەكتورىنىڭ ورىنباسارى مەن قورداي، بايزاق، مەركى وندىرىستىك ايماقتارىنىڭ باسشىلارى قاتاڭ سوگىس تۇرىندە تارتىپتىك جاۋاپكەرشىلىككە تارتىلدى.
«اۋديت قورىتىندىسى بويىنشا انىقتالعان بارلىق زاڭ بۇزۋشىلىقتارعا قاتىستى ماتەريالدار باس پروكۋراتۋراعا جولداندى. سونداي-اق، مينيسترلىكتىڭ قۇزىرەتتى قۇرىلىمدارى مەن ۆەدومستۆولارىنا ۇسىنىمدار مەن تاپسىرمالار بەرىلدى»،- دەدى ىشكى اۋديت دەپارتامەنتىنىڭ ديرەكتورى عالىمجان مولداش.