شەشۋشى باسەكەلەر 7 مامىر كۇنى وتەدى.
گەرمانيا استاناسى بەرليندە ۆاتەرپولدان الەم كۋبوگى جالاۋىن كوتەردى. جارىسقا قاتىسىپ جاتقان 8 كوماندانىڭ اراسىندا قازاقستان ايەلدەر قۇراماسى دا بار، دەپ حابارلايدى Almaty-akshamy.kz Elorda.info -عا سىلتەمە جاساپ.
قازاقستاندىقتار گەرمانيا، ۇلىبريتانيا، جاڭا زەلانديامەن ءبىر توپتا ونەر كورسەتۋدە.
وتانداستارىمىز ەكى ويىن وتكىزىپ، ەكەۋىندە دە جەڭىسكە جەتتى. الدىمەن 11:7 ەسەبىمەن جارىس قوجايىندارىن، سوسىن 15:7 ەسەبىمەن بريتاندىقتاردى ۇتتى. ەندى جاڭا زەلانديامەن كەزدەسەدى. ال شەشۋشى باسەكەلەر 7 مامىر كۇنى وتەدى.
الەم كۋبوگىندا ۇزدىك اتانعان 2 قۇراما، ماۋسىم ايىندا اقش-تىڭ كاليفورنيا شتاتىندا وتەتىن «سۋپەرفينالعا» جولداما الادى. ول جەردە توپ جارعان كوماندا پاريج وليمپياداسىنا ليسەنزيا يەلەنەدى.