قازاق ءبىلىمىنىڭ قاراشاڭىراعى ءال-فارابي اتىنداعى قازاق ۇلتتىق ۋنيۆەرسيتەتىندە بيىلعى ءبىرىنشى كۋرستىقتاردى «ستۋدەنتتەر قاتارىنا قابىلداۋ» سالتاناتتى كەشى ءوتتى. ءال-فارابي ەسكەرتكىشى الدىنداعى جاستار الاڭىندا وتكەن شاراعا الماتى قالاسىنىڭ اكىمى ەربولات دوسايەۆ باستاعان بەلگىلى تۇلعالار، عالىمدار مەن جازۋشىلار، ۋنيۆەرسيتەت وقىتۋشىلارى مەن ستۋدەنتتەرى قاتىستى. ءداستۇرلى مەرەكە 1-كۋرس ستۋدەنتتەرىنىڭ شەرۋىمەن باستالدى.
بيىل مەملەكەت باسشىسى قاسىم-جومارت توقايەۆ العاش رەت ۋنيۆەرسيتەتكە ارنايى كەلىپ، ۋنيۆەرسيتەتتى دامىتۋ جونىندە ءبىرقاتار تاپسىرمالار بەردى.
جاقىندا ۇكىمەت قاۋلىسىمەن قازۇۋ-عا زەرتتەۋ ۋنيۆەرسيتەتى مارتەبەسى بەرىلىپ، مەملەكەت باسشىسىنىڭ قولداۋىمەن تۇركيانىڭ ىستامبۇل قالاسىندا جانە قىرعىز رەسپۋبليكاسىنىڭ استاناسى بىشكەكتە قازۇۋ فيليالدارى اشىلدى. سونىمەن قاتار، بيىلعى جىلى قازۇۋ-دا ق ر عىلىم جانە جوعارى ءبىلىم ءمينيسترى ساياسات نۇربەكتىڭ قاتىسۋىمەن رەسەيدىڭ ميفي ۇلتتىق يادرولىق زەرتتەۋ ۋنيۆەرسيتەتىنىڭ فيليالى اشىلىپ وتىر. قازىرگى تاڭدا ۋنيۆەرسيتەتتە 25 مىڭعا جۋىق ستۋدەنت وقىسا، ولاردىڭ 2،5 مىڭعا جۋىعى الەمنىڭ 50 ەلىنەن كەلگەن شەتەلدىك ستۋدەنتتەر. مەرەكەلى كەش بارىسىندا ۋنيۆەرسيتەت باسشىسى ج.تۇيمەبايەۆ:
– ۋنيۆەرسيتەتتەگى فاكۋلتەتتەر، كافەدرالار، عىلىمي-زەرتتەۋ ينستيتۋتتارى، يننوۆاسيالىق زەرتحانالار مەن عىلىمي ورتالىقتاردىڭ بارلىعى سىزدەردىڭ تولىققاندى ءبىلىم الۋلارىڭىزعا قىزمەت ەتەدى. وتكەن جىلدان بەرى جاتاقحانالار مەن وقۋ كورپۋستارى كۇردەلى جوندەۋدەن وتسە، بۇل جۇمىستار بيىل دا جالعاسۋدا. ەڭ باستىسى، الداعى ۋاقىتتا جاڭا جاتاقحانا سالۋ جوسپاردا بار. وسى يگىلىكتەرءدى دۇرىس پايدالانىڭىزدار. عىلىمدى يگەرىپ، بىلىكتى مامان بولىڭىزدار، – دەپ، جاستاردى ۋاقىتتى ءتيىمدى پايدالانۋعا شاقىردى.
سونىمەن قاتار، ءبىلىم كىلتىن تابىستاۋ ءراسىمى دە جاڭا تەحنولوگيالاردى پايدالانا وتىرىپ جۇزەگە استى. 1-كۋرس ستۋدەنتتەرى ساحنادان دەربەس QR-كودىن سكانەرلەپ، ەرەكشە ساتكە بەلسەنە اتسالىستى. «ۇلىتاۋ» ەتنو-روك توبى، ءانشى گۇلنۇر ورازىمبەتوۆا، تانىمال جاستار ورىنداۋشىسى MALIKA YES، «مەلومەن» توبىمەن قاتار، تالانتتى، كرەاتيۆتى جاستار دا ءوز ونەرلەرىن كورسەتتى. بۇل كۇنى حيميا جانە حيميالىق تەحنولوگيالار، بيولوگيا جانە بيوتەحنولوگيالار فاكۋلتەتتەرىنىڭ ستۋدەنتتەرى ۋنيۆەرسيتەت عالىمدارىنىڭ عىلىمي جاڭالىقتارىنىڭ تۇساۋكەسەرىن وتكىزدى. بۇگىنگى تاڭدا قازۇۋ الەمدىك رەيتينگتەگى كوشباسشى وقۋ ورىندارىنىڭ قاتارىنا ەنىپ، الەمدىك رەيتينگتە 150-ورىنعا كوتەرىلدى.