جاڭا الەۋمەتتىك جوبا: الماتىدا جانە قازاقستاننىڭ باسقا قالالارىندا ستۋدەنتتەر كاسىبي مانەرلەپ سىرعاناۋعا ۇيرەتەدى
الماتىدان كەلگەن وكىل «ارۋ-انا» رەسپۋبليكالىق بايقاۋىنىڭ لاۋرەاتى اتاندى. الماتى بويىنشا «ايەلدەر كۇشتەرىنىڭ اليانسىنىڭ» ءتورايىمى ءاليا احمەدجانوۆا ازاماتتىق سانانى دامىتۋ سالاسىنداعى ۇزدىك جوبا"نوميناسياسىنىڭ جەڭىمپازدارى قاتارىنا ەندى، دەپ حابارلايدى almaty-akshamy.kz
بايقاۋ بۇكىل قازاقستان بويىنشا ەڭ ۇزدىك ايەلدەر جوبالارىن تاڭداۋ ماقساتىندا ەكىنشى جىل قاتارىنان ءوتىپ كەلەدى. ءار ايماق ءوڭىردىڭ كەز-كەلگەن سالاسىنان ءبىر الەۋمەتتىك ماڭىزدى جوبانى ۇسىنادى. باستى كريتەريي-بۇل جوبا ازاماتتىق قوعامنىڭ دامۋىنا ۇلەس قوسۋى ءتيىس. بيىلعى جىلى ءار وڭىردەن 17 جوبانىڭ ىشىنەن التاۋى ءار ءتۇرلى نوميناسيالار بويىنشا تاڭدالدى، ال جەڭىمپازدارعا ماراپاتتى مەملەكەت باسشىسى قاسىم-جومارت توقايەۆ تاپسىردى.
رەسپۋبليكالىق كونكۋرسقا قاتىسپاس بۇرىن ءاليا احمەدجانوۆانىڭ «Students on ice» جوباسىن الماتى قالاسىنىڭ «ارۋ انا» ۇزدىك الەۋمەتتىك جوبانى ىرىكتەۋ جونىندەگى جۇمىس توبى تاڭدادى.
«Students on ice» جوباسىنىڭ ماقساتى-مانەرلەپ سىرعاناۋدان سپورت شەبەرىنە ۇمىتكەرلەردى تارتا وتىرىپ، بارلىق نيەت بىلدىرگەن ستۋدەنتتەردى نولدەن باستاپ كاسىبي مانەرلەپ سىرعاناۋعا ۇيرەتۋ. ال جارتى جىلدىق وقۋدان كەيىن جاستار مانەرلەپ سىرعاناۋ بويىنشا جارىستارعا قاتىسا الادى، بۇل رەتتە دايىندالعان نومىرلەردە كورەرمەندەرگە الەۋمەتتىك-ماڭىزدى پروبلەمالار كورسەتىلەدى. وسىلايشا، جوبا الەۋمەتتىك ماسەلەلەردى شەشۋگە شىعارماشىلىق كوزقاراستى قاراستىرادى. بۇل رەتتە جوبانى ىسكە اسىرۋ ءۇشىن بارلىق قاراجات دەمەۋشىلەر ەسەبىنەن، قانداي دا ءبىر مەملەكەتتىك قولداۋسىز تارتىلادى.
«جوبا اياسىندا جاستار ەڭبەك نارىعىندا سۇرانىسقا يە بىلىكتىلىك پەن داعدىلاردى الا الادى، ال جاتتىعۋلاردىڭ ارقاسىندا سالاۋاتتى ءومىر سالتىن ۇستانا باستايدى. وسىلايشا، جوبا سپورتتى حالىق اراسىندا ناسيحاتتاۋعا جانە قوعامعا پايدا اكەلۋگە كومەكتەسەدى. سونداي - اق، بۇل جاستارعا كەدەيلىك پەن الەۋمەتتىك وقشاۋلانۋ سياقتى قىلمىسقا اكەپ سوقتىراتىن جاعىمسىز سالداردان اۋلاق بولۋعا كومەكتەسەدى»، - دەپ اتاپ ءوتتى ءاليا احمەدجانوۆا.
ەسكە سالساق، «Students on ice» جوباسى 2023 جىلى الماتىدا ءساتتى جۇزەگە اسقان بولاتىن. مانەرلەپ سىرعاناۋشىلاردىڭ قورىتىندى جارىستارى «SOI: الماتى جاستارى تازا اۋا ءۇشىن» ۇرانىمەن ءوتتى جانە ەكولوگياعا ارنالدى، بۇل رەتتە ولاردى وتكىزۋگە كاسىبي ەكولوگتار ءوز ۇلەستەرىن قوستى. ناتيجەسىندە، مۇز شوۋىنىڭ بيلەتتەرىن ساتۋدان تۇسكەن قاراجاتتىڭ ءبىر بولىگى الماتىعا قوسىلعان شەت اۋداندار تۇرعىندارىنىڭ الەۋمەتتىك وسال توپتارى ساناتىنداعى جەكە سەكتوردى گازداندىرۋعا جۇمسالدى.
2024 جىلى جوبانىڭ اۋقىمىن كەڭەيتۋ جوسپارلانۋدا، ياعني جوبا قازاقستاننىڭ استانا، تۇركىستان، سەمەي قالالارىندا قولعا الىنادى. ال كەيىنگى جىلدارى مۇز ارەنالارى بار باسقا قالالار دا قامتىلاتىن بولادى.