فۋتبولدان قازاقستان قۇراماسىنىڭ باس باپكەرى ستانيسلاۆ چەرچەسوۆ قازاق ءتىلىن ۇيرەنۋگە كىرىستى، دەپ حابارلايدى almaty-akshamy.kz قازاقستان فۋتبول فەدەراسياسىنا سىلتەمە جاساپ.
جۋىردا عانا فۋتبولدان قازاقستان ۇلتتىق قۇراماسىنىڭ باس باپكەرى بولىپ تاعايىندالعان ستانيسلاۆ چەرچەسوۆ العاشقى قازاق ءتىلى ساباعىنا كەلدى. چەرچەسوۆكە ساباقتى قازاق ءتىلىنىڭ بەلگىلى مامانى قانات تاسىبەكوۆ بەرەدى.
قازاقستان فۋتبول فەدەراسياسىنىڭ مالىمەتىنشە، قانات تاسىبەكوۆ كوپتەگەن ادامداردىڭ قازاقشا سويلەۋىنە كومەكتەسكەن جانە جىل سوڭىنا دەيىن چەرچەسوۆتى بارىنشا جاقسى سويلەۋگە ۇيرەتۋگە تىرىساتىنىن ايتتى.
ەستەرىڭىزگە سالا كەتسەك بۇعان دەيىن چەرچەسوۆ قازاقشا ءسۇراق قويعان جۋرناليستكە «نەگە سۇراقتى ورىسشا قويمايسىز؟» دەپ رەنجىگەنىن جازعان ەدىك.