سولتۇستىك قازاقستان وبلىسىندا استانا – پەتروپاۆل تاسجولىندا ءۇش كولىكتىڭ قاتىسۋىمەن جول اپاتى تىركەلدى، دەپ حابارلايدى Aqshamnews.kz ءتىلشىسى.
وقيعا 14 جەلتوقساندا تاڭعى ساعات 06:00-دە چاپاي مەن استراحانكا اۋىلدارىنىڭ اراسىندا بولعان. الدىن الا مالىمەت بويىنشا، Volkswagen Passat كولىگى الدىمەن ءبىر «گازەلگە» سوعىلىپ، سوققىدان اۋدارىلىپ كەتكەن. بۇدان كەيىن جەڭىل كولىك ارتىنان كەلە جاتقان ەكىنشى «گازەلمەن» دە سوقتىعىسقان.
جول اپاتى سالدارىنان 32 جاستاعى Volkswagen جۇرگىزۋشىسى اۋىر جاراقات الىپ، اۋداندىق ورتالىق اۋرۋحاناعا جەتكىزىلدى. ال «گازەل» جۇرگىزۋشىلەرى زارداپ شەكپەگەن. كولىكتەردىڭ سالوندارىندا جولاۋشىلار بولماعان.
پوليسيا مالىمەتىنشە، وقيعا بويىنشا ماتەريال جينالىپ، اپاتتىڭ بارلىق ءمان-جايىن انىقتاۋ ءۇشىن تەكسەرۋ جۇرگىزىلىپ جاتىر.