رەسەيدىڭ دەنساۋلىق ساقتاۋ ءمينيسترى جاسوسپىرىمدەر اراسىندا «سپۋتنيك V» ۆاكسيناسىنىڭ تيىمدىلىگى تۋرالى پىكىر ءبىلدىردى.
ميحايل مۋراشكو پرەپاراتتىڭ جاسوسپىرىمدەر مەن ەرەسەكتەر اراسىندا تيىمدىلىگى بىردەي بولادى دەپ سانايدى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-تىڭ تەلەگرام كانالىنا سىلتەمە جاساپ.
«ءبىز ءقازىر ۆاكسينا پرەپاراتتارىنا قاتىستى مالىمەتتەر الدىق. بالالار مەن جاسوسپىرىمدەردىڭ اتالعان بولىگىنە تىكەلەي اۋىسا وتىرىپ، ءبىز بۇل پرەپاراتتىڭ مەتابوليزمى مەن اسەرىن سالىستىرا وتىرىپ انىقتاۋعا بولاتىندىعىن تۇسىنەمىز»، - دەدى مۋراشكو.
وتكەن اپتادا رەسەي ۇكىمەتى جاسوسپىرىمدەر اراسىندا «سپۋتنيك V» ۆاكسيناسىنىڭ كلينيكالىق سىناقتارىنىڭ ءۇشىنشى كەزەڭىنە 100 ميلليون رۋبلدەن استام قاراجات ءبولۋدى تاپسىردى. سىناقتار 12-17 جاس ارالىعىنداعى ەرىكتىلەر اراسىندا وتكىزىلەدى.