كوۆيدكە قارسى «سپۋتنيك V» ۆاكسيناسىن سالدىرتقان سوڭ، قايتا ەگۋ ءۇشىن كەز كەلگەن ۆاكسينانى قولدانۋعا بولادى، ءبىراق ەڭ جاقسى قورعانىس بەرەتىن - «سپۋتنيك لايت». بۇل رەتتە Moderna نەمەسە Pfizer سياقتى مرنك-ۆاكسينالارىن «سپۋتنيك V»-مەن بۋستەرلەگەن ءجون. بۇل تۋرالى ن.ف.گامالەيا اتىنداعى ورتالىقتىڭ ديرەكتورى الەكساندر گينسبۋرگ ءمالىم ەتتى، دەپ حابارلايدى almaty-akshamy.kz قازاقپاراتقا سىلتەمە جاساپ.
«سپۋتنيك V» ۆاكسيناسىنىڭ "دەلتا" شتامىنا قارسى تيىمدىلىگى ءتۇرلى باعالاۋ بويىنشا 83-90 پايىز ارالىعىندا. بۇل – باسقا ەكپەلەرگە قاراعاندا الدەقايدا جوعارى. سوندىقتان Moderna مەن Pfizerء-دى «سپۋتنيكپەن»، ال «سپۋتنيك V»-نى «سپۋتنيك لايتپەن» بۋستەرلەگەن ءجون. باسقا ۆاكسينالارمەن بۋستەرلەۋگە دە بولادى، ءبىراق ۇسىنىلعان ءادىس – ەڭ ءتيىمدىسى»، - دەپ باياندادى الەكساندر گينسبۋرگ.
ول ركن-ۆاكسينالارىنىڭ كوروناۆيرۋستىڭ «دەلتا» الدىنداعى شتامدارىنا قارسى جاقسى يممۋندىق جاۋاپ بەرەتىنىن ءتۇسىندىردى.
«مرنك-ۆاكسينالار جاقسى، ءبىراق ولاردىڭ جاسۋشالارىمىزعا جەتكىزەتىن انتيگەن اقۋىزدىڭ ءبىر كەڭىستىك پىشىندە ورنالاساتىنىنداي قۇرىلعان. ونىڭ «دەلتانىڭ» الدىندا پايدا بولعان "ۋحان" جانە تاعى باسقا شتامدارعا قارسى يممۋندىق جاۋابى وتە جوعارى»، - دەدى الەكساندر گينسبۋرگ.
بۇعان دەيىن رف دەنساۋلىق ساقتاۋ ءمينيسترى ميحايل مۋراشكو «سپۋتنيك V» ۆاكسيناسىن سالدىرتىپ، قايتا ەگۋگە «سپۋتنيك لايتتى» قولدانۋدىڭ تيىمدىلىگى وتە جاقسى ناتيجە كورسەتىپ وتىرعانىن، كوروناۆيرۋستان قورعانىستىڭ 92 پايىزدان اسقانىن مالىمدەگەن.