«سپۋتنيك V» «يوتا» شتامىنا قارسى توتەپ بەرە الادى – الەكساندر گينسبۋرگ

رەسمي تىركەلگەنىنە ءبىر جىل تولعان رەسەيلىك ەكپەنىڭ تيىمدىلىگى مەن قاۋىپسىزدىگىن بۇل پرەپاراتتى قولداناتىن ەلدەردەگى كوپتەگەن زەرتتەۋلەر راستايدى.

ادامزاتتى COVID-19 ۆيرۋسىنان قۇتقارۋعا ارنالعان پرەپاراتتىڭ ازىرلەنۋىنە باسشىلىق جاساعان الەمگە ايگىلى عالىم الەكساندر گينسبۋرگ كوروناۆيرۋسقا قارسى العاشقى ۆاكسينا تۋرالى ەگجەي-تەگجەيلى اقپارات بەردى، دەپ حابارلايدى Almaty-akshamy.kz

عالىمنىڭ ايتۋىنشا، ءبىر جىل ىشىندە «سپۋتنيك V» ءوزىنىڭ تيىمدىلىگى مەن قاۋىپسىزدىگىن دالەلدەدى. 

«اقش عالىمدارىنىڭ ايتۋىنشا، «سپۋتنيك V» ۆاكسيناسى ەگدە جاستاعى ادامدار اراسىندا كوز جۇمۋ جاعدايلارىنىڭ جوعارىلاۋىن تۋدىراتىن «يوتا» COVID-19 شتامىنا قارسى توتەپ بەرە الادى. رەسەيلىك پرەپارات كوروناۆيرۋستىڭ كەز-كەلگەن شتامىنان قورعاي الادى، - دەدى گامالەيا اتىنداعى عىلىمي-زەرتتەۋ ورتالىعىنىڭ ديرەكتورى الەكساندر گينسبۋرگ.  

الەكساندر گينسبۋرگ SARS-CoV-2 جاڭا شتامدارىنىڭ پايدا بولۋى ءارى قاراي جالعاسادى، ال ينفەكسيادان قورعانۋدىڭ باستى ءادىسى - ۆاكسيناسيا ەكەنىن اتاپ ءوتتى.

«سپۋتنيك» ۆاكسيناسى ءبىر عانا كونفورماسياسى بار مرنق ۆاكسينالارىنا قاراعاندا بىرنەشە كونفورماسيالىق جاعدايدا كوروناۆيرۋستىڭ S-اقۋىزىنا جاۋاپ بەرە الاتىندىعىمەن ەرەكشەلەنەدى. «سپۋتنيك V» انتيگەندىك نۇسقالاردىڭ وتە كوپ سانىنا بىركەلكى جاۋاپ بەرەدى، بۇل ونىڭ باستى ارتىقشىلىقتارىنىڭ ءبىرى»، – دەپ ءتۇسىندىردى عالىم.